افغانستان ده بیرلشگن ملت‌لر تشکیلاتی باش کاتبی نینگ مخصوص نماینده‌سی روزا اوتنبایوا بیلن اوچره‌شگن ایچکی ایشلر وزیرلیگی سرپرستی سراج‌الدین حقانی، بیرلشگن ملت‌لر تشکیلاتی ییغیلیش‌لریده اسلام امیرلیگی نماینده‌لری گه اشتراک ایتیش حقی بیریلیشینی طلب قیلگن.
مذکور وزیرلیک نینگ بیانیه‌سیده کیلیشیچه، جناب حقانی اوشبو اوچره‌شووده مملکت ده خوفسیزلیک تأمین ایتیلیشیدن ایشانچ بیریب و بیرلشگن ملت‌لر تشکیلاتی ییغیلیش‌لریده اسلام امیرلیگی نماینده‌لری گه اشتراک ایتیش حقی بیریلیشینی سوره‌گن.
بیراق سیاسی ایش بیلرمان‌لر نینگ ایتیشلریچه، اسلام امیرلیگی تامانیدن دنیا هجمعیت نینگ خواست‌لری عملی بولمه‌گونچه، بیرلشگن ملت‌لر تشکیلاتی ییغیلیش‌لریده سرپرست حکومت نماینده‌لری گه اشتراک ایتیش حقی بیریلمه‌یدی.
بیزلرنینگ فیسبوک صحیفه‌میزگه باش اورینگ!
سلام‌وطندار بیلن صحبت اوتکزگن سیاسی ایش بیلرمان ویس ناصری گه کوره، اسلام امیرلیگی تامانیدن دنیا جماعه‌چیلیگی نینگ خواست‌لری عملی بولمسلیگی باعث، بیرلشگن ملت‌لر تشکیلاتی ییغیلیش‌لریده اسلام امیرلیگی نماینده‌لری گه اشتراک ایتیش حقی بیریلمه‌گن.
او نینگ کوپه‌یتیریشیچه: «جهان، بیرلشگن ملت‌لر تشکیلاتی و منطقه اولکه‌لری اوز طلب و مشروع خواست‌لرینی اسلام امیرلیگی بیلن شریک قیلگنلر لیکن کابل نینگ حاضرگی حاکم‌لری بوتوغریده هیچ دقت قیلیشمه‌دی. اولر نینگ شرط‌لری قبول بولمه‌گونچه، منطقه مملکت‌لری و منطقه‌ده‌گی تشکیلات‌لردن هیچ بیری، افغانستان ده اسلام امیرلیگی آتیده دولت نی تن آلیشمه‌یدی.»
باشقه تاماندن، سیاسی ایش بیلرمان طارق فرهادی، بیرلشگن ملت‌لر تشکیلاتی ییغیلیش‌لریده اسلام امیرلیگی نماینده‌لری قبول قیلینمسلیک سببینی، سرپرست حکومت رسمیت گه تانیلیمسلیک عنوان قیله‌دی.
اونگه کوره: «خلق‌ارا ییغیلیش‌لرده اسلام امیرلیگی نماینده‌لری قبول قیلینمسلیک سببی، سرپرست حکومت رسمیت گه تانیلمسلیگی دیر، اسلام امیرلیگی نینگ تن آلینیشی اوتنبایوا قولی ده ایمس و حتا بیرلشگن ملت‌لر تشکیلاتی قولیده هم ایمس؛ مملکت‌لر قولیده دیر.»
بیزلرنینگ توییترده هم تعقیب قیلینگ!
شونینگدیک، ملت واحد افغانستان جریان باشلیغی زلمی افغان‌یار نینگ ایتیشیچه، بیرلشگن ملت‌لر تشکیلاتی ایرکین ایمس و امنیت کینگشی نینگ خواستی گه بناً قرار آله‌دی.
افغانستان ده انسان حقلری رعایت ایتیلیشی و همه شمول حکومت شکللنیشی، دنیا همجمعیت تامانیدن اسلام امیرلیگی نینگ تن آلینیش شرط‌لریدن سنله‌دی، بیراق قریب ایکی ییل اوتیشی بیلن بوتوغریده کابل حکومتی تامانیدن حاضرگچه هیچ اقدام بولمه‌گن.