اسلام امیرلیگی باش وزیرینینگ اداری اورین باسری عبدالسلام حنفی، بیرلشگن ملتلر تشکیلاتی باش کاتبینینگ انسان سیورلیک ایشلری بوییچه اورین باسری تام فلیچر بیلن اوچرهشووده ایتیشیچه، سرپرست حکومت بوتون مملکتلر بیلن ایکّی تامانلمه حرمت و اقتصادی همکارلیک اساسیده مناسبتی بولیشینی اېستهیدی.
ارگ، ایکس صحیفهسیده بیر بیانیه ترقهتیب، ایکّی تامان ۸-ثور، دوشنبه کونی اوچرهشگنلرینی معلوم قیلگن.
بو اوچرهشووده، تام فلیچر و عبدالسلام حنفی انسان سیورلیک یاردملر، مملکت گه قیتگن قاچقینلر و امنیتی مسئلهلر حقیده بحث اېتگن.
بیزلرنینگ فیسبوک صحیفهمیزگه باش اورینگ!
ارگ، بیرلشگن ملتلر تشکیلاتی باش کاتبینینگ اورین باسریدن نقل قیلیب یازیشیچه، افغانستان خلقی انسان سیورلیک یاردملر گه محتاج و بو تشکیلات، اولر گه یاردم کورسهتیش اوچون سعی-حرکت قیلماقده.
افغانستان خلقینینگ انسان سیورلیک یاردملر گه محتاجلیگی کمهیشی اوچون بو مملکتده ترقیاتی بویوک لایحهلر عملگه آشیریلیشی گه امید بیلدیرگن، تام فلیچر.
عبدالسلام حنفی گه کوره، اسلام امیرلیگی یشاوچیلرنینگ نیازمندلیکلری حل اېتیلیشی اوچون سعی-حرکت قیلماقده. او قۉشنی مملکتلردن افغانستانلیک مهاجرلر چیقریلیش جریانیدن تنقید قیلیب و بیرلشگن ملتلر تشکیلاتیدن بوتوغریده دقت قیلیشینی سورهگن.
بیزلرنینگ «ایکس» ترماغی ده هم تعقیب قیلینگ!
باشقه تاماندن، تام فلیچر بوگون (۹-ثور، دوشنبه) ایکس صحیفهسیده، عبدالسلام حنفی بیلن اوچرهشووده، آبوهوا اۉزگریشی، انسان سیورلیک یاردملر، افغانستان گه بیریلهیاتگن بودجه کمهیشی و انسان سیورلیک جریانلرده عیاللرنینگ اشتراکی حقیده بحث اېتگنینی بیلدیرگن.
بیرلشگن ملتلر تشکیلاتی باش کاتبینینگ اورین باسری تام فلیچر، شنبه کونی بیر هفتهلیک سفرده کابل گه کېلگن و بوندن آلدین هم، سرپرست حکومت تشقی ایشلر وزیری امیرخان متقی بیلن اوچرهشگن.
بیرلشگن ملتلر تشکیلاتینینگ معلوماتی اساسیده، اوشبو میلادی ییلده افغانستانده ۲۲ میلیون کیشی انسان سیورلیک یاردملر گه محتاج دیر. عینحالده، افغانستان گه یاردم بیرووچی نهادلر نیچه مرته یاردم بیریش اوچون بودجهلری آزلیگی حقیده آگاهلنتیرگنلر.
