نوار غزه بویلب اسرائیل هجوملرینینگ دوام قیله یاتگنی بیرحالده؛ حماس آتیش کیسین توغریسیده عاجل مذاکرهلر باشلنیشی اوچون تیارگرلیگینی بیلدیرگن.
الجزیره ترماغی، بوگون (۱۴-سرطان، شنبه)، حماسدن نقل قیلیب یازیشیچه، «بیز مذاکرهلرنینگ ینگی باسقیچیگه تیزلیک بیلن کیریشگه جدی شکلده تیارمیز.»
بیزلرنینگ «ایکس» ترماغی ده هم تعقیب قیلینگ!
بوندن آلدین امریکا جمهور باشلیغی دونالد ترامپ، ۶۰ کونلیک آتیش کیسین ریجهسینی تکلیف بیریب و ایکی تاماندن اونینگ قبول قیلیشلرینی ایستهگن ایدی.
شونینگدیک اسرائیل باش وزیری ادارهسی، اوروش توختهتیلیشی و گروگه آلینگنلرنینگ المشتیریلیشی شامل بولگن مذکور تکلیف بیلن، موافقلیگینی معلوم قیلگن.
شوندهی بیرحالده، حماس فقط مذاکره اوچون تیارلیگینی بیلدیرگن و حاضرگچه بو ریجهنینگ قبول یا-ده رد قیلیشی حقیده هیچ بیر نرسه دیمهگن.
بیزلرنینگ فیسبوک صحیفهمیزگه باش اورینگ!
فلسطینلیک منبعلرنینگ گزارشی اساسیده، حماس بیانیهسی باشقه فلسطین بولیملری بیلن مصلحتلشگندن کیین صادر بولیب و اسرائیل باش وزیری بنیامین نتانیاهونینگ واشنگتن گه قیلهدیگن سفری ریجهلشتیریلیشی بیلن بیرگه دوشنبه کونی ترقهتیلگن.
فلسطین ساغلیقنی سقلش وزیرلیگینینگ معلوماتیگه کوره، اوروش باشلنگنیدن بویان کمیده ۵۷ مینگ ۲۶۸ کیشی قربان بولیب و ۱۳۵ مینگ ۶۲۵ دن آرتیق کیشی یرهلنگن.
