بیرلشگن ملتلر تشکیلاتی باش کاتبی آنتونیو گوترش، غزه ده انسانسیورلیک یاردملرنی آلیش جریانیده اسرائیل اردوسی آرقهلی فلسطینلیکلرنینگ اوققه توتیلگنیگه نسبت عاجل تدقیقات اوتکزیلیشی و مسئوللرنینگ جوابگرلیککه تارتیلیشینی سورهگن.
گوترش، ۱۲-جوزا، دوشنبه کونی کیچ قورون اکس صحیفهسیده یازیشیچه، انسانسیورلیک یاردملرنی آلیشلری جریانیده فلسطینلیکلرنینگ اولیب و یرهلنیشی توغریسیدهگی گزارشلردن دهشتگه توشگن. اونینگ اورغولشیچه: «فلسطینلیکلرنینگ آزیق-آوقت قولگه کیلتیریشی اوچون حیاتلرینی خوف آستیده قوییشلری قبول قیلیب بولمهیدیگن حالت دیر.»
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتی باش کاتبی، اسرائیلنینگ حقوقی مسئولیتلریگه تاکیدلب و ایتیشیچه، اوشبو مملکت انسانسیورلیک خلقارا قانونلر اساسیده، یاردم ییتکزیلیشی بیلن کیلیشیب و مذکور یاردملرنینگ توسیقسیز شکلده یوباریلیش یولینی تامینلشی کیرهک.
گوترش، غزه ده بشری نیازلرنی بویوک و عاجل دیب و کوپهیتیریشیچه: «بیرلشگن ملتلر تشکیلاتی خوفسیزلیک و حمایه آستیده، انسانسیورلیک اصول گه تولیق حرمت بیلن فعالیت یوریتیش امکانیتیگه ایگه بولیشی کیرهک.»
بیزلرنینگ «ایکس» ترماغی ده هم تعقیب قیلینگ!
شونینگدیک او ینه بیر مرته عاجل، دایمی و پایدار آتیش کیسین برقرار بولیشیگه تاکیدلب و گروگه آلینگنلردن برچهسینینگ شرطسیز شکلده آزاد بولیشینی ایستهگن. «مذکور توقنشوولر اوچون هیچ قندهی حربی ییچیم یول یوق و امنیت گه ییتیشیش بوییچه یالغیز یول، زورهوانلیکنی یکونلنتیریش و سیاسی ییچیم یوللر گه باریش دیر.»
فلسطین دولتی ییتکرمهلر ادارهسی، آزیق-آوقت یاردملرینی قولگه کیلیتریش اوچون کیلگن فلسطینلیکلرنینگ اسرائیل اردوسی آرقهلی اوققه توتیلگنیده، کمیده ۳۲ کیشی قربان بولیب و ۲۰۰دن آرتیق کیشی یرهلنگنینی بیان قیلگن.
