بیرلشگن ملت‌لر تشکیلاتی نینگ باش کاتبی آنتونیو گوترش، سه‌شنبه کونی، ۲۸ سنبله، امریکا قوشمه ایالت‌لری نینگ نیویارک شهری ده مذکور تشکیلات نینگ عمومی ییغیلیشی ده، افغانستان خلقی نینگ ۷۰ فایزی انسان پرورلیک یاردم‌لر گه محتاج‌لیگینی ایتگن.
آنتونیو گوترش نینگ اوشبو بیاناتی گه علاوه، افغانستان یشاوچیلریدن بیرقطاری گه کوره، اقتصادی قیینچیلیک باعث بیر وقت ییگولیک آوقات‌لرینی تأمینله‌ی آلمه‌یدیلر.
شونینگدیک، کابل شهری نینگ بیر بورچه‌گیده یشاوچیلر نینگ ایاغ کییم‌لرینی بویش اوچون کوتیب تورگن و تورت کیشی‌لیک عایله سرپرستی سیف‌الرحمان نینگ ایتیشیچه، کونده‌لیک درآمدلری بیلن عایله اعضالری نینگ خرجت‌لرینی تأمینله‌ی آلمه‌یدی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «اکثر کیچه‌لر آچ یاته‌میز، ایکی کوندن بیری ایشله‌گنیم یوق، حتا بیر کیلو گاز نی پولی یوق که باریب تولدیریب و آوقات پیشیرسک، باشقه مصرف‌لر اوز جایی ده.»
کابل شهری ده کونده‌لیک مردکارچیلیک قیله‌دیگنلردن نعیم گه کوره، هفته ده ایکی کون ایش تاپیب ایشلش گه اولگوره‌دی. او نینگ ایتیشیچه، تورت مرته یاردم بیرووچی نهادلردن یاردم آلگن و اوشبو یاردم‌لر دوام تاپیشینی ایسته‌یدی.
او نینگ ایتیشیچه: «سابق انسان پرور یاردم‌لر دن آلر ایدیک و احوالی‌میز یخشی بولر ایدی و حاضر بو یاردم‌لر کیسیلگن و بیز انسان پرورلیک یاردم‌لر دوام تاپیشینی ایسته‌یمیز.»
ینگی‌لیکده خلق‌ارا آزیق_آوقات دستوری، اوشبو تشکیلات نینگ بودجه‌سی آزلیگی سبب افغانستان ده میلادی کیله‌سی آی ده فعالیتینی توخته‌تیشیدن آگاه‌لنتیرگن بیرحالده، کابل یشاوچیلریدن قطاری انسان پرورلیک یاردم‌لر دوام تاپیشینی سوره‌یدیلر.
عین‌حالده، اقتصاد وزیرلیگی مسئوللری اولکه یشاوچیلری نینگ انسان پرورلیک یاردم‌لر گه محتاج‌لیگینی تصدیقلب، افغانستان خلقی گه اوشبو یاردم‌لر دوام تاپیشینی سوره‌گن.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک سوزلاوچیسی عبدالرحمان حبیب نینگ ایتیشیچه: «برچه وزارت‌لر، یشاوچیلر نینگ اقتصادی قیینچیلیگی حلی و اولر گه ایش زمینه‌لرینی یره‌تیش اوچون تلاش قیلماقده و وزارت‌لردن بعضی‌لری، شاشیلینچ حالت‌لرده یشاوچیلر گه یاردم بیریش اوچون تیارگرلیک کورگن.»
برچه‌سی بیلن، امریکا تشقی ایشلر وزیرلیگی سوزلاوچیسی دفتر اعضالریدن الیزابت ستیکنی، سه‌شنبه کونی لندن شهری ده آزادلیک رادیوسی بیلن اوتکزگن صحبتیده، امریکا افغانستان گه انسان پرورلیک یاردم‌لری گه دوام بیریشینی ایتگن.
او نینگ کوپه‌یتیریشیچه، افغانستان ده خاتین قیزلر جمعیت دن چیکلنتیریلیشی باعث، اوشبو مملکت هر ییلی بیر میلیارد دالر زیان کورماقده.
ایتیش کیره‌ک که بوندن آلدین، بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، میلادی ۲۰۲۳-ییل ده افغانستان ده کمبغل‌لر سانی ۲۹.۲ میلیون کیشی گه ییتیشیدن آگاه‌لنتیرگن.