غور ولایتی‌ده یوز بیرگن سوو تاشقین‌لر، ایکینچی عیاللرنینگ ایکینچیلیک ییرلری و گل‌خانه‌لریدن قطاری‌نی بوزگنی بیلن، بیراق مذکور عیاللر ینه هم امید و سعی‌وحرکت بیلن گل‌خانه‌لری‌نینگ قیته قوریش گه حرکت قیلهدیلر.
غور مرکزی فیروزکوه شهری شمالی‌دن جایلشگن «دره‌ی شیخ‌ها» قیشلاغی یشاوچیسی بولمیش ۴۵ یاشر زهرا‌نینگ ایتیشیچه، بو ولایت‌ده سوو تاشقینی یوز بیرمس‌دن آلدین، ایکیب و بازار گه ساته‌دیگن محصوللری‌دن ۴۰-۵۰ مینگ افغانی درآمد قولگه کیلتیره‌ر ایکن.
زهرا‌نینگ کوپه‌یتیریشیچه: «گل‌خانه‌م بار ایدی و یخشی حاصل قولگه کیلتیریب و عایله خره‌جتی‌نی تامین قیله‌ر ایدیم. ییل‌ده اینگ آز ۴۰-۵۰ مینگ افغانی درآمدیم بار ایدی. بیراق سوو تاشقین‌لر یوز بیردی و محصوللریم‌نینگ ییتیشگنی پیتده برچه‌سی اورته‌دن کیتدی.»
بیزلرنینگ «ایکس» ترماغی ده هم تعقیب قیلینگ!
کولکم موسومی ییتیب کیلیشی بیلن قیته گل‌خانه قوریش‌گه تیارگرلیک آله‌دیگن زهرا، محلی مسئوللر و عیاللردن حمایت قیلووچی نهاد‌لردن، ایشی قیته رواجلنیشی اوچون قوللب-قوتله‌شلرینی ایسته‌گن.
خودکفا بولیش و عایله نیازلری‌نی تامین‌لش اوچون سعی‌وحرکت قیله‌دیگن عیاللردن یالغیز زهرا ایمس، بلکیم اونگه اوخشش باشقه بیر قطار عیاللر هم اوی باغچه‌لری‌نی قوریش بیلن اقتصادی قیین‌چیلیک‌لرینی حل قیلهدیلر.
اوتگن اوچ ییل‌ده غور ایکینچیلیک ریاستی‌نینگ تخصصی تعلیم‌لری بیلن اوی باغچه‌لری و گل‌خانه قورگن بی‌بی‌گل‌نینگ ایتیشیچه: «گل‌خانه ایشی بیلن شغللنمه‌گن کیشی، گل‌خانه‌ده ایشلش‌نینگ قنچه فایده‌لی بولگنی‌نی بیلمه‌یدی. مین سووغاریش، پاکت‌لش و برچه کیره‌کلی ایشلرینی اورگه‌ندیم. بیر گل‌خانه یاردم بیرگنلری صورت‌ده، عایله اقتصادی‌میز رواجلنیشی‌‌نینگ آشیریشی‌میز ممکن.»
شونینگدیک مذکور عیاللردن باشقه بیر ملکه، گل‌خانه گه نیاز بولگن نرسه‌لر‌نینگ اولر اختیاری‌گه بیریلگنی صورت‌ده، کوپینچه درآمد قولگه کیلتیره آلیشلرینی بیان قیله‌دی. «منظم بیر گل‌خانه قوره آلسه‌ک و بیزلرگه اصلاح بولگن اوروغ بیلن کیمیاوی کود بیریلگنی و شونینگدیک گل‌خانه گه نیاز بولگن اوسکونه‌لر تامین‌لنگنی صورت‌ده، کوپینچه درآمد قولگه کیلتیره آله‌میز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، غور ده ایکینچیلیک ایشلری بوییچه ایش بیلرمان عبدالظاهر توانا، عیاللرنینگ حمایت بولیشی‌گه اشاره قیلیب و سلام‌وطندار گه ایتیشیچه: «ایکینچی عیاللر ظرفیتی‌گه عملی و نظری شکلده ایشله‌نیشی کیره‌ک. نمایشی قطعه‌لر، کیچیک گل‌خانه‌لر، مارکت و بازار یره‌تیلیشی، عیاللر گه سنتی وضعیت‌دن چیقیشلری‌گه یاردم بیره‌دی که بو رقم اولر عایله اقتصادی رواجلنیشی‌گه یاردم بیره آله‌دیلر.»
باشقه بیر تاماندن، غور ایکینچیلیک ریاستی‌نینگ ییتکرمه‌لر بولیمی مسئولی ضیاءالحق جویا، عیاللر اوچون تعلیمی برنامه‌لر بارلیگی‌دن خبر بیریب و اورغولشیچه: «ایکینچی عیاللر گه ایش زمینه‌سی یره‌تیلیشی ایکینچیلیک ریاستی ایش مسئوللری و هدف‌لریدن بیری دیر. بو توغریده برنامه‌لر بار که ایکینچیلیک سکتوری و همکار نهاد‌لر آرقه‌لی عمل‌گه آشیریلگن و حاضرگچه فایده‌لی آدیم‌لر آلینگن.»
ایتیش کیره‌ک که، مذکور ایکینچی عیاللرنینگ سعی‌وحرکتی نه فقط عایله‌لر اقتصادی رواجلنیشی‌گه یاردم بیره‌دی، بلکیم غور ولایتی‌نینگ خودکفالیک تامان آلیب باریشی اوچون بیر آدیم دیر.
