غور مرکزی فیروزکوه شهری‌نینگ شرقی‌ده جایلشگن «پشته‌‌ی گامورک» منطقه‌سیده‌گی سوو تاشقینلردن جبرلنگن کیشیلردن قطاری، حیات‌نینگ دستلبکی امکانیت‌لریدن فایده‌لنه آلمسلیک خصوصیده شکایت قیله‌دیلر.
اولرنینگ ایتیشلریچه، حکومت آرقه‌لی ۱۰۰ته یشش اوی اختیارلری‌گه قرار بیریلگنی بیلن؛ بیراق ییترلیچه ایچیم‌لیک سوو، آزیق-آوقت و یاقیلغی ماده یوقلیگی، اوشبو ساووق کونلرده حیات کیچیریش‌نی اولر اوچون قیین‌لشتیرگن.
غور ده طبیعی واقعه‌لردن جبرلنگن برهان‌الدین نظری‌نینگ ایتیشیچه، هوا ساووق‌لیگی و یاقیلغی ماده یوقلیگی، اولرنینگ حیاتی‌نی تهدید قیله‌دی. اونینگ کوپه‌یتیریشیچه: «هوا هم ساووق بولگن و هیچ کیم ایچیم‌لیک سوودن فایده‌لنه آلمه‌یدی. شونینگدیک قیغو بیلن کلینیک هم یوق. اوی‌نی ایسیتیش اوچون یاقیلغی ماده‌میز یوق. اسلام امیرلیگی و جمغرمه‌لردن بیزلر گه یاردم بیریلیشی‌نی ایسته‌یمیز که هوا جوده‌یم ساووق بولگن و یاردم بیریلمه‌گنی صورت‌ده کوپینچه کیشی‌نینگ تلف بولیشی‌گه شاهد بولیشیمیز ممکن.»
بیزلرنینگ «ایکس» ترماغی ده هم تعقیب قیلینگ!
جبرلنگن کیشیلردن باشقه بیری خدیجه‌نینگ ایتیشیچه: «ایرتنگ‌‌گچه ساووق‌دن تیتره‌یمیز. بعضا بیران نرسه تاپیب یاقه‌میز. بیزلر گه یاقیلغی ماده ترقه‌تیلگنی‌دن کوپ یخشی بوله‌دی.»
غور ده بیر قطار موسسه آرقه‌لی طبیعی واقعه‌لردن زیان کورگنلر گه یاردم بیریلگنی بیلن؛ بیراق جاری ییلده سوو تاشقین‌لریدن زیان کورگنلر مذکور یاردم‌لرنی ییترلی بیلمه‌ی و اولر گه کوپراق یاردم ترقه‌تیلیشینی ایسته‌گنلر.
جاری ییلده غور ولایتی‌ده یوز بیرگن سوو تاشقینلر نتیجه‌سیده جبرلنیب و آواره‌لر کمپی‌ده حیات کیچیره‌دیگن نظام‌الدین‌نینگ ایتیشیچه: «دستلبکی یاردم‌لر، فایده‌لی دیر. موسسهلر بیزلر گه یاقیلغی ماده یاردم بیرسینلر که قیش موسومی‌‌دن اوته‌یلیک.»
غور ده جبرلنگنلردن باشقه بیری محمد‌رسول کریمی‌نینگ ایتیشیچه: «اوشبو منطقه‌ده‌گی برچه کیشی زیان کوردی. باش کونلرده بیر قطار عایله‌گه بیراز یاردم بیریلدی. طبیعی واقعه‌لردن زیان کورگنلر گه یاردم بیریلیشی‌نی ایسته‌‌یمین.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، غور ده حادثه‌لر گه قرشی کوره‌ش ریاستی مسئوللری‌نینگ ایتیشلریچه، حادثه‌لر گه قرشی کوره‌ش ملی اداره‌سی و اوشبو ولایت‌ده‌گی همکار موسسهلر یاردمی بیلن، غور ده سوو تاشقین‌لریدن زیان کورگنلر گه کوپینچه یاردم ترقه‌تیلیشی خصوصیده سعی‌وحرکت قیلماقده‌لر.
غور ده حادثه‌لر گه قرشی کوره‌ش ریاستی باشلیغی عبدالوکیل عبید‌الله‌نینگ ایتیشیچه: «حادثه‌لر گه قرشی کوره‌ش اداره‌سی بوندن آلدین هم قیش موسومی‌ده یاردم بیریش اوچون تیارگرلیگی بار ایدی. گدام‌لریمیزده نرسه‌لر بار و یقین‌ده ترقه‌ته‌میز. مرکزی اداره‌دن قیش‌ده یوز بیره‌دیگن حادثه‌لر اوچون یاردم تیار قیلیشلرینی ایسته‌دیک که یوباره‌دیلر. قیش‌ده طبیعی واقعه‌لر یوز بیرمه‌سلیگی خصوصیده امید‌وارمیز و بیران حادثه بولگنی‌ده هم تیارگرلیگی‌میز بار.»
غور ده جاری ییل کوکلم موسومی‌ده یوز بیرگن سوو تاشقینلر، اوشبو ولایت‌ده عایله‌لردن کوپینچه‌سینی آواره قیلیب و شونینگدیک کوپینچه مالی زیان‌لر گه هم سبب بولگن.
