مملکت نینگ بیر قطار ولایتلریده یوز بیرگن سوو تاشقینلر، جانی تلفات گه علاوه، بیر قطار یشش اوی‌لر نی خراب قیلیب و اهالی نینگ برچه نرسه‌سی نی اوزی بیلن آلیب کیتگن. مذکور سوو تاشقینلر آستقورمه‌لر جمله‌دن سرک‌لر و عمومی قتناو یوللر گه هم جدی زیان ییتیشتیریب و باریب-کیلیش خصوصیده اهالی نی کوپینچه قیین‌چیلیک بیلن روپه‌ره قیلگن.
غور و بادغیس ولایت‌لری یشاوچیلری و عمومی قتناو یوللریده‌‌گی هیداوچیلردن قطاری نینگ سلام‌وطندار گه ایتیشلریچه، اوزاق و قیین یوللردن باریب-کیلیش اولیم و حیات بیلن اوینش کبی دیر. اولر سرپرست حکومت مسئوللری و خصوصی بولیم‌دن، سوو تاشقینی‌ده خراب بولگن یوللر نینگ قیته قوریلیشی خصوصیده جدی اقدام قیلینیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
غور-هرات قتناو یولی‌ده‌گی هیداوچی محمدهاشم نینگ ایتیشیچه: «هرات دن غور گه کیله‌دیگنیمیز پیتده، ۱۷-۱۹ ساعت یول ایدی؛ لیکن حاضر ایسه سوو تاشقینی یول نی خراب قیلگنی سبب، ۲۵-۳۰ ساعت بوله‌دی و موترلریمیز مکمل خراب بولگن.»
شونینگدیک باغیس یشاوچیسی نورالله نینگ ایتیشیچه: «نیچه کیشی بیر موتر یولاوچیسی ایدیک، هر یول‌‌ده راحت‌راق کیلیشیمیز و یول نی آچیش اوچون توشیدیک.»
باشقه بیر تاماندن، غور یشاوچیلریدن بیر قطاری نینگ ایتیشلریچه، عمومی قتناو یوللر نینگ قیته قوریلیشی و آچیلیشی اوچون امکانیت‌لری قدر اقدام قیلگنلری بیلن، بیراق سووتاشقین‌لر نینگ کوپینچه زیان ییتیشتیرگنی سبب، تیزلیککه قتناو یوللر نی آچیب و کسل‌لری نینگ دوالنیش اوچون ساغلیق مرکزلر گه انتقال بیره آلمه‌یدیلر.
غور ولایتی مرغاب تومنی یشاوچیسی رحیم‌الدین هدفمند نینگ ایتیشیچه: «هیچ یولیمیز یوق؛ نیچه کون بوله‌دی که دولت‌یار تومنی یولی نی آچیش اوچون ایش نی باشله‌گن‌میز. حاضر اسپرف قیشلاغی‌ده موتر کیلیشی اوچون هیچ یول یوق.»
بیزلرنینگ فیسبوک صحیفه‌میزگه باش اورینگ!
شونینگدیک غور ولایتی لعل‌وسرجنگل تومنی یشاوچیسی حکمت لعلی نینگ ایتیشیچه: «کسل‌لر نینگ فرعی سرک‌لردن ساغلیق مرکزلر گه انتقال بیریش موضوع‌سی، اهالی نی کوپینچه قیین‌چیلیک بیلن روپه‌ره قیلگن.»
عین حالده، غور و بادغیس ولایتلریده محلی مسئوللر نینگ ایتیشلریچه، گرچند تومن‌لر قتناو یوللری نینگ آچیلیشی و عمومی قتناو یوللر نینگ قیته قوریلیشی اوچون سعی‌وحرکتلر نینگ دوامی بار؛ لیکن عمومی قتناو یوللر نینگ کوپراق خراب بولگنی سبب، اوشبو ولایت محلی اداره‌لری نینگ قیته قوریش و آچیلیشی اوچون امکانیتی یوق.
غور معلومات و مدنیت باشلیغی عبدالحی زعیم نینگ ایتیشیچه: «غور-هرات عمومی قتناو یولی حاضرگچه یاپیق دیر؛ دره‌ی بیدان و جام یولی‌دن اوته‌ر ایدی و فیروزکوه گه هم بعضی تومن‌لر یوللری حاضرگچه آچیلمه‌گن. یوللر کوپ و خراب بولگن که محلی اداره‌لر نینگ امکانیتی یوق.»
شونینگدیک بادغیس حاکمی سوزلاوچیسی احمدجان حنظله نینگ ایتیشیچه: «ولایت‌لر و تومن‌لر اورته‌سیده‌گی قتناو یوللر، اسفالت بولمه‌گن و سونگی سوو تاشقینلر کوپ خراب قیلگن. اهالی حقیقتا کوپ قیین‌چیلیک بیلن روپه‌ره بولگن. فواید عامه ایگه بولگن ماشین‌لر هم سرک‌لر نی قازیب و هموار قیله‌دی.»
سوو تاشقینلر نینگ یوز بیرگنی، نه فقط غور و بادغیس‌ده قتناو یوللرنی خراب قیلگن؛ بلکیم بغلان، سرپل، فاریاب و باشقه ولایتلریده هم قتناو یوللر نی خراب قیلیب و اهالی نینگ باریب-کیلیشی نی قیین‌چیلیک بیلن روپه‌ره قیلگن.
