ایران بیلن امریکا و اسرائیل اورتهسیده ۱۰ کوندن بیری اوروش دوام ایتماقده ایکن، دنیا بازارلریده بیر بشکه نفت قیمتی ۱۲۰ دالر گه آشگن.
امریکا و اسرائیل اوتگن هفته شنبه کونی قوشمه شکلده ایران گه هجوم قیلیب بو مملکت مذهبی رهبری سیدعلی خامنهای و بیرقطار ییریک عملدارلرینی نشانگه آلیب اولدیردی و ایران ایسه بونگه جواباً اسرائیل و امریکانینگ منطقهدهگی پایگاهلرینی نشانگه آلماقده.
تامانلر اورتهسیده اوروش دوام ایتماقده ایکن، ایران تامانیدن «هرمز تنگهسی» باغلنیشی، دنیا بازارلریده نفت قیمتی آشیشیگه سبب بولگن.
هرمز تنگهسی، خلیج فارسنی عمان دریاسیگه باغلهیدیگن مهم و استراتیژیک یونهلیش حسابلنهدی. بو تنگه، دنیا بازارلریگه نفتنی تشیش اوچون حیاتی یونهلیش بولیب و قریب ۲۰ فایز دنیا نفتی هرمز تنگهسی آرقهلی تشیلهدی.
