اسلام امیرلیگی معلومات و مدنیت وزیرلیگینینگ ایتیشیچه، قندوز ولایتیدهگی محلی خبرچی ناظره رشیدی، ییتکرمه فعالیتلری سبب قولگه آلینمهگن.
اوشبو وزیرلیک، مذکور خبرچینینگ قولگه آلینیش سببینی خبرچیلیک آتیدن ناتوغری فایدهلنیش و باشقه بیر قطار موضوعلر عنوان قیلیب و کوپهیتیریشیچه، رشیدینینگ دوسیهسی عدلی و قضایی نهادلرگه تاپشیریلگن.
بو توغریده معلومات و مدنیت وزیرلیگی سوزلاوچیسی خبیب غفراننینگ سلاموطندار گه ایتیشیچه: «قندوز ده خبرچیلرنینگ قولگه آلینیش موضوعسی، اولرنینگ خبرچیلیک فعالیتیگه تیگیشلی ایمس؛ بلکیم بو آتدن ناتوغری فایدهلنیلگن. بیر قطار اخلاقی موضوعلر بار ایدی که اونینگ اساسیده، قولگه آلینیب و تیگیشلی نهادلرگه تاپشیریلگنلر و اولرنینگ دوسیهسی قاعده-قانون اساسیده کوزهتیلهدی.»
افغانستان ییتکرمهلرینی قوللب-قوتلش تشکیلاتی، اسلام امیرلیگی آرقهلی ناظره رشیدینینگ تیزلیک بیلن آزاد بولیشینی ایستهگن. اوشبو تشکیلات انسانحقوقی نهادلری تامانیدن رشیدینینگ دوسیهسی تیکشیریلیشیگه تاکید قیلگن.
مذکور تشکیلاتنینگ گزارشی اساسیده، ناظره رشیدی اوتگن هفته سهشنبه کونی قندوز ده خوفسیزلیک کوچلری آرقهلی قولگه آلینگن.
