سلام‌وطندار اختیاریگه قرار تاپگن حجت‌لرگه کوره، غور ولایت محکمهسی، اراضی اداره‌سی و عدلیه ریاستی نینگ مسووللری ۲۷ جریب ییر ایگه‌سیدن پول آلیش اوچون اوشبو ییرنی دولتی ییر اعلان قیلیشده تلاش قیله‌دیلر. مذکور حجت‌لرگه کوره، اوشبو ییرده ۷۰۰ عایله اوی – جای قورگن.
سلام‌وطندار اختیاریگه قرار تاپگن سندلرگه کوره، اوشبو ییرده شرعی قباله‌سی، بانک آویزی و غور ولایتی قضایی دیوانیده ثبت بولگن، لیکن یینه هم دولت مسووللری نینگ ادعاسیگه کوره، تورت ییلدن بویان دولت حلقه‌سیدن اوزاقلشگن کیشی‌لر دفتردن دفترگه باریب، پول ایسته‌یدیلر.
بو ییر ایگه‌سی عبدالجمیل نینگ ایتیشیچه، ییریده شرعی قباله‌سی بولگن و قباله نمبری ۹/۷۴ بولیب و ۴-۳۱-۱۳۷۶ قویاش ییلده آلینگن و حتی بانک آویزی و تمیزلیک دفتری هم موجود.
شرعی قباله نینگ ایکینچی صحیفه‌سیده ایسه ییر ۱۷۵۰ متر مربع بولیب و غور ولایتی نینگ سابق حاکمی، مذکور ییر بلدیه دن چیقاریلیب، عبدالقادر، عبدالقیوم و عبدالروف آتلی کیشی‌لر آتیگه قید ایتیلیشده بویروغ بیرگن.
سلام‌وطندار اختیاریگه قرار تاپگن حجت‌گه کوره، غور ولایتی دستلبکی محکمهسی قویاش ۱۳۹۶-۹-۷ ییلده غور بلدیه‌سیدن اوشبو ییر نینگ شرعی قباله‌سی و بانک آویزی حقیده معلومات ایسته‌گن. غور بلدیه‌سی محکمه نینگ جوابیگه منه بولرنی یازگن: « ۹/۷۴ شرعی قباله‌لی ییر اوشبو اداره گه ثبت ایمس، لیکن ۱۸ بانک آویزی عبدالقیوم و عبدالقادر آتلی کیشی‌لر نینگ آتیگه قید بولگن .»
باشقه بیر حجت‌گه کوره، غور ولایتی بوییچه عدلیه ریاستی “۱۲۵” نمبرلی مکتوب آرقه‌لی، استیناف محکمه‌‍سیدن معلومات ایسته‌گن. غور استیناف محکمهسی ۱۳۹۵- ییلده غلام علی بیضون آتلی کیشی تامانیدن اداره بولیب، مکتوب‌گه بونده‌ی جواب قیترگن: «ییر نینگ شرعی قباله نمبری ۱/۱۶۴ بولیب و ۱۳۷۴-۱۲-۲ ییلده استیناف محکمهسی نینگ ملکیتی بولیب و ایستیناف محکمهسی اولتیریش بناسینی توزتگن، حاضر اوشبو ریاست نینگ قولیده بولگن و هیچ‌کیم غصب قیلگنی یوق و ییر غصب ایتیلگنی خصوصیده عدلیه ریاستی هم بیزنی خبر قیلگن ایمس»
غور استیناف محکمهسی نینگ مکتوبی‌گه مدنی دیوان و عامه حقوقی بونده‌ی جواب یازگن: «شرعی قباله نمبری ۹/۷۴ بولگن ییر ۱۳۷۶-۳۰-۴ قویاش ییلده دستلبکی محکمه تامانیدن عبدالقادر، عبدالقیوم و عبدالروف آتلی کیشی‌لر نینگ آت‌لریگه قید ایتگن و سند قضا دیوانیده سقلنماقده.»
۱۳۹۶/۹/۷ ییلده مدنی دیوان و عامه حقوقی تامانیدن یوباریلگن مکتوب گه غور بلدیه‌سی بونده‌ی جواب قیترگن: «بلدیه قباله ثبت دفترینی قیته‌دن کوریب چیقدی، لیکن ۹/۷۴ نمبرلی قباله ۱۳۷۶-۴- ۳۱ ییلده ثبت ایتیلمه‌گن، بیراق ۱۸- بانک آویزی عبدالقیوم و عبدالقادر آتلی کیشی‌لر نینگ آتیگه قید بولگن.»
اوشبو ییر ایگه‌سی نینگ سلام‌وطندارگه ایتیشیچه، غور ولایتی بوییچه عدلیه ریاستی، محکمه، اراضی اداره‌سی پول طلب قیلگن و ۲۰۰ مینگ افغانی بیرگن حالده، ییرنی اونینگ منفعتی‌گه اعلام قیلیش‌لرینی ایتگنلر. اونینگ سوزیگه کوره، اویی نینگ یقین‌لری و اطرافیده زوروان کیشی‌لر نینگ یوقاری طبقه‌لی بنالری بولگن نماینده‌لر کینگشی اعضالریگه، ملی خوفسیزلیک باشلیغی نینگ اورین باسریگه و سوداگرلرگه تیگیشلی بنالر بولگن، لیکن دولت اولر نینگ دوسیه‌سی حقیده هیچ‌بیر نرسه دیمه‌یدی و یالغیز کم‌بغل و قشاق عایله‌لر نینگ دوسیه‌سینی باشلتگن.
غور محکمهسی باشلیغی اسحاق علی محبی نینگ ایتیشیچه، میدیالر بیلن سوزلشوو اوزلرینی فکرلرینی بیلدیریش حقلرینی عالی محکمه اولردن آلگن.
دولت قضایا آمرلیگی نماینده‌سی عبدالرحیم سدید نینگ سلام‌وطندار بیلن صحبت اوتکزیب ایتیشیچه، رشوت و پول تکلیفی‌نی رد قیلگن. اونینگ کوپه‌یتیریشیچه، بو ییرلر طالبان دوریده توزیع بولگن و بو ییرلرنینگ ایگه‌لریدن آلینگن سندلری هم بار. دولت قضایا آمرلیگی نماینده‌لرنینگ ایتیش‌لریچه:« بو سندگه یازیلگن کیم بو ییرلر ریجه‌دن تشقری و کیله‌جکده هرقنده‌ی مسئولیتی بولسه ییر ایگه‌سی نینگ بوینیگه بوله‌دی.»
اونینگ ایتیشیچه، ییر ایگه‌لری سندلرگه امضا قیلیب مسئولیتی‌‌نی بوینیگه آلگنلر.
غور ولایتی بوییچه عدلیه ریاستی باشلیغی میرآقا ساید، بو ادعالرنی رد قیلگن و شونینگدیک، غور محکمهسی بوتوغریده صحبت قیلیش‌نی ایستمه‌گن.
اونینگ کوپه‌یتیریشیچه، دولت قضایاسی تامانیدن صورت تیکشیریش‌لر نتیجه‌سی محکمه گه یوباریلگن، لیکن حاضرگچه بو موضوع نهایی بولمه‌گن.
افغانستانده جنجلی دوسیه‌لردن بیری ییر دوسیه‌سی دیر. حاضرگچه، دولت بونده‌ی دوسیه‌لرنی آز بیر رقمی‌نی حل قیلگن، بیراق کوپ دوسیه‌لر حل بولمه‌گن. میدیالرنینگ گزارشلریگه کوره، غور نینگ عدلی و قضایی نهادلرگه اونلرچه ییر غضب بولیش قضیه‌لری ثبت بولگن و هیچ‌بیریگه دقت بولمه‌گن.
