جاری قویاش ییلنینگ باش ایکی آییده، غزنی ولایتی تورلی بولیملری جملهدن شهر اطرافیده، قوریلیش و قیته قوریلیش لایحهلر ایشی باشلنگن که، مذکور لایحهلر ایشی کوپراق سرک قوریلیش بولیمیده دوام قیلیب و نارنجی کییملی ایشلاوچیلرینینگ فعالیتی، غزنی یشاوچیلریگه آبادانچیلیک و ترقیات وعدهسینی بیرهدی.
لیکن غزنی یشاوچیلرینینگ ایتیشلریچه، مذکور لایحهلر ایشی سُستلیگی اولرنی قیینچیلیک بیلن روپهره قیلگن. غزنی شهرینینگ خاک غریبان منطقه یشاوچیسی بشیرگه کوره: «اهالیگه قیینچیلیک یرهتگن؛ چونکه خاک غریبان یولی، موتر اوتیشی اوچون بدیل یولی یوق. اهالی قیینچیلیگی و اهالی کسللیگینی نظرگه آلسینلر؛ بو لایحهلرنی تیزلیک بیلن یکونلنتیرسینلر؛ چونکه ایشی کوپ سُست آلغه کیتهدی.»
بیزلرنینگ «ایکس» ترماغی ده هم تعقیب قیلینگ!
شونینگدیک غزنی شهرینینگ اربابا قیشلاغی یشاوچیسی عیدیگل گه کوره، سرک قوریلیش لایحهلری ایشی اوزهیشی و محلهلریده یوللرنینگ یاپیق قالگنی، یوزلب عایلهنینگ اوتیب-قیتیشینی قیینچیلیک بیلن روپهره قیلگن.
باشقه بیر تاماندن، دکاندارلردن قطارینینگ ایتیشلریچه، ایش دوام قیلهدیگن بولیملرده اوتیب-قیتیش یوللرنینگ یاپیق قالگنی، اولرنینگ ایشلریگه هم تاثیر قویگن.
غزنی شهریدهگی دکانلردن بیری وحیداللهنینگ ایتیشیچه: «حاضر سرک وضعیتی جودهیم بوزیلگن. شونچه هم قیینچیلیک بیلن روپهره بولگنمیز که هیچ سورهمهیلر؛ ایشی هم سست آلغه کیتهدی و ایشی جدی ایمس.»
غزنی بلدیه ریاستینینگ معلوماتی اساسیده، جاری ییل غزنی ده حکومتی لایحهدن باشقه، سرک و دیوار قوریش بولیملریده ۱۹ لایحه بیرلشگن ملتلر تشکیلاتینینگ لایحه خذمتلری ادارهسی «UNOPS» آرقهلی نظرگه آلینیب و اولردن قطارینینگ ایشی دوام قیلماقده.
بیزلرنینگ فیسبوک صحیفهمیزگه باش اورینگ!
غزنی بلدیه سوزلاوچیسی عبدالولی جلالزینینگ ایتیشیچه، کوپراق موسسهلر آرقهلی تمویل بولهدیگن لایحهلرنینگ عملگه آشیریلیشیده، ساده اوسکونهلردن فایدهلنیلهدی و لایحهنینگ عملگه آشیریلیشیدن باشقه، اهالیگه ایش زمینهسینی یرهتیش توغریسیده اهمیتگه ایگه دیر.
غزنی افغانستاننینگ اوروش جبرلنگن ولایتلریدن بولیب، اوتگن ایکی دههده اونده اوروشنینگ دوام قیلگنی، بو ولایتده ایش و قوریلیش فرصتلرینی کمهیتیرگن ایدی.
