اوتگن کون (چهارشنبه ۲۳- میزان) شام چاغی افغانستان اسلامی جمهورلیک دولتی نینگ مذاکره‌چی هیأتی عمومی ییغین یولگه قویگنلر.
دولت نینگ مذاکره قیلووچی هیأتی بیر توییت یازیشیچه، افغانستان دولتی و طالبان گروهی هیأتی نینگ قوشمه ییغینی ایکی تامان رئیس‌لری و اعضالری نینگ حضوری گه یولگه قوییلدی. اوشبو هیأت نینگ ایتیشیچه، مذکور ییغینده جنجللی موضوعلر حل ایتیلیشی حقیده بحث و ایکی تامان جنجللی موضوعلر حل ایتیلیشی اوچون تیزلیککه حل یوللر ارایه قیلیش‌لری اوستیگه اورغوله‌گن.
دوحه ده افغانستانلیکلرارا سوزلشوولر باشنلگنیدن کیین بو ایکی تامان هیأت‌لری آره‌سیده یولگه قوییلگن ایکینچی عمومی ییغین دیر.
قطر ده طالبان سیاسی دفتری سوزلاوچیسی محمد نعیم رسانه‌لرگه ویدیویی بیر پیام یوباریب ایتیشیچه، اوتگن کون شام چاغی یولگه قوییلگن ییغین ایکی ساعت دوام تاپگن و ایکی تامان هیأت‌لری، سوزلشوولر یخشی شکلده آلغه کیتیشی اوچون اوز تکلیف‌لرینی ارایه قیلگن.
اونینگ کوپه‌یتیریشیچه، بو ییغینده تماس گروه‌لریگه ییغین‌لری نینگ دوام بیریش‌لریگه بویروغ بیریلگن.
دولت و طالبان نینگ تماس گروه‌لری جاری هفته دوشنبه کونی ۹- ییغین‌لرینی یولگه قوییشدی، بیراق اوتگن ایکی کونده بو ییغینلر یولگه قوییلمه‌دی.
قطر ده افغانستانلیکلرارا سوزلشوولر باشلنگنیدن بیر آیدن آرتیق اوتماقده، بیراق ایکی تامان تماس گروه‌لری افغانستانلیکلرارا سوزلشوولر باشله‌نیشی اوچون حاضرگچه قطار جنجللی موضوعلرنی حل قیله آلمه‌گن.
