غزنی ده باغدارلردن قطاری‌نینگ ایتیشلریچه، باغلریده اوسیم‌لیک آفتلری آلدی آلینیشی اوچون ستندرد شکلده دارو سیپیش خصوصیده آگاهی‌لیکلری یوق دیر.
مذکور باغدارلر‌نینگ کوپه‌یتیریشلریچه، دارولر‌نینگ تاثیرلی بولیشی و قنده‌ی قوللنیلیشی خصوصیده آگاهی‌لیکلری یوقلیگی سبب، اوسیم‌لیک آفتلری گه قرشی ایسکی دارو سیپیش طرزیدن فایده‌لنه‌‌دیلر.
غزنی ولایتی خواجه‌عمری تومنی‌ده‌گی باغدارلردن میرویس‌نینگ ایتیشیچه، اوسیم‌لیک آفتلری گه قرشی کوره‌ش اوچون سوو و ملتین ترکیبی‌دن فایده‌لنه‌دی. «باغلر گه تورلی‌خیل کسللیکلر تاپیله‌دی. آهن کملیگی اوچون آلمه درختلری برگی سریغ بوله‌دی و بعضا ایسه درختلر گه حشراتلر تاپیله‌دی و بیزلر سنتی اسلوبلردن قوللنه‌میز. سوو و ملتین نی بمبه بیلن سیپه‌‌میز درختلر گه. بازاردن ساتیب آله‌دیگنیمیز دارو هم بعضا فایده قیله‌دی؛ بیراق بعضا ایسه فایده قیلمه‌ی زیان هم ییتیشتیره‌دی.»
بیزلرنینگ فیسبوک صحیفه‌میزگه باش اورینگ!
شونینگدیک مذکور باغدار، حکومت و ایکینچیلیک ریاستی آرقه‌لی دهقانلر و باغدارلر گه بو توغریده معلومات بیریلیشی و دارو ترقه‌لیشینی ایسته‌ب ایتیشیچه: «حاضرگچه اوزیم یوریا اسپری کبی نرسه‌لر خصوصیده معلوماتیم یوق. حکومت و ایکینچیلیک ریاستی آرقه‌لی بیزلر گه معلومات بیریلیشینی ایسته‌من. شونینگدیک بیزلر گه دارو ترقه‌تیلسین که فایده‌لنه‌یلیک و درختلر یخشی حاصل بیرسه.»
غزنی ولایتی‌ده‌گی باغدالردن باشقه بیری وحید‌الله، ستندرد دارو سیپیلیشی خصوصیده محلی مسئوللر آرقه‌لی باغدارلر گه آگاهی‌لیک بیریلیش دستوری قولگه آلینیشینی ایسته‌گن.
اونینگ ایتیشیچه: «باغدارلریمیز هر ییلی آفتلر و کسللیکلر بیلن روپه‌ره دیر. محلی بازارلردن ایکینچیلیک دارولرنی ساتیب آلیب و باغلرگه سیپه‌‌میز. ایکینچیلیک ریاستی آرقه‌لی هیچ قنده‌ی آگاهی‌لیک بیریلمه‌گن، انه شوو محلی بازارلر بار که اولردن آگاهی‌لیک آله‌میز. اولر آرقه‌لی باغدارلر گه آگاهی‌لیک بیریلیشینی ایسته‌یمیز.»
غزنی ده‌گی باغدارلردن قطاری اوسیم‌لیک آفتلری برابریده ایسکی طرز‌دن فایده‌لنیش‌نینگ فایده‌لی بولمه‌گنی‌دن شکایت قیلگنلری بیرحالده، ایکینچیلیک ایش بیلرمانلر‌نینگ ایتیشلریچه، «یوریا اسپری» اوسیم‌لیک آفتلری گه قرشی کوره‌ش اوچون ترکیبی بیر دارو بولیب و کوز موسومی یکون‌لنیشی و درختلر برگی توکیلیشی بیلن باغدارلر تامانیدن درختلر گه سیپیله‌دی.
ایکینچیلیک ایش بیلرمانلردن صالح‌محمد، درختلر گه زیان ییتیشمسلیگی اوچون اوسیم‌لیک آفتلری برابریده دارو سیپیلیشی‌نینگ مسلکی شکلده صورت تاپیشی‌گه تاکید‌لب ایتیشیچه: «قیغو بیلن دهقانلر‌نینگ بو توغریده آگاهی‌لیگی آز دیر و آفتلرنی کنترول قیلیش اوچون کوچلی کیمیایی ماده‌لردن قوللنه‌دیلر. درختلرده آفت کوریلگنی‌ده دارو سیپه‌دیلر که بو کوپ زیان ییتیشتیره‌دی. چونکه اطراف-محیط بیلن میوه‌لر گه زیان ییتیشتیره‌دی.»
بیزلرنینگ «ایکس» ترماغی ده هم تعقیب قیلینگ!
عین حالده، غزنی ایکینچیلیک، سووغاریش و چاروه‌چیلیک ریاستی‌نینگ اوسیم‌لیکلرنی سقلش عمومی مدیری محمد‌ذکریا هوتک‌نینگ ایتیشیچه، اوشبو ریاست «یوریا اسپری» دارو‌سی‌دن فایده‌لنیش بیلن درختلر نی آفتلردن سقلش اوچون بیر قطار برنامه‌لرنی قولگه آلگن.
جناب هوتک‌نینگ کوپه‌یتیریشیچه: «تیزلیکده غزنی ولایتی تومن‌لریده آفتلرگه قرشی کوره‌ش کمپاینی ریجه‌سینی عملگه آشیره‌میز که بو ریجه‌لردن بیری یوریا اسپری دیر. بو کوپ فایده‌لی بیر دستور دیر که باغدارلر درختلر برگی‌دن ۸۰ فایزی توکیلگنی‌ده، یوریا اسپری‌سیدن فایده‌لنیشلری کیره‌ک.»
ایتیش کیره‌ک که، باغدارلیکده اوسیم‌لیک آفتلری و کسللیکلر جدی بیر قیین‌چیلیک دیر که بو توغریده باغدارلر‌نینگ ییترلی آگاهی‌لیگی و امکانیتی بولمه‌گنی صورت‌ده، باغدارلیک محصوللری‌نینگ کمه‌یشی و زیان کوریشی گه سبب بوله‌دی.
