غزنی ده طبیعی واقعه‌لردن زیان کورگنلردن قطاری انسان‌پرورلیک یاردم‌لر ییتیشمسلیگی‌دن شکایت قیلیب و ایتیشلریچه، حیات نینگ دستلبکی امکانیت‌لریدن فایده‌لنه آلمسلیک، اولر نی یامان بیر وضعیت بیلن روپه‌ره قیلگن.
اوشبو ولایت مرکزی غزنی شهری یشاوچیسی بولمیش لالا نینگ ایتیشیچه، اوتگن آیلرده یوز بیرگن یاغینگرچیلیکلرده یشش اویی ویران بولیب و حاضر ایسه عایله‌سی باشقه بیر قیشلاقده حیات کیچیرماقده.
اونینگ کوپه‌یتیریشیچه: «حاضرگچه هیچ یاردم بولمه‌گن؛ ولایت گه باریب عریض قیلدیم؛ هیئت کیلدی و تیکشیردی؛ خبر آلگنیم‌ده، اوزیمیز قونقیراغ قیله‌میز دیدیلر؛ لیکن اولردن هیچ بیر خبر بولمه‌دی. عایله‌م‌دن یریمی قلاتی گه کیتگن و ییری ایسه ایناغه‌م نینگ اویی‌ده حیات کیچیره‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک جاغوری تومنی یشاوچیسی سیدضیا نینگ ایتیشیچه، اویی یامغیر یاغیشی نتیجه‌سیده ویران بولگن و حاضرگچه هیچ قنده‌ی یاردم قولگه کیلتیرمه‌گن.
اونینگ کوپه‌یتیریشیچه: «سونگی یاغینگرچیلیکلرده یشش اویلر خراب بولگن؛ اوی‌میز هم خراب بولگن. حادثه‌لر گه قرشی کوره‌ش ریاستی گه عریضه قیلدیک؛ اویی‌میز نی سروی قیلدیلر و حاضرگچه هیچ قنده‌ی یاردم بیریلمه‌گن. بو توغریده دولت نینگ همکارلیک قیلیشی نی کوتیب تورگن‌میز.»
باشقه بیر تاماندن، غزنی یشاوچیلریدن قطاری نینگ ایتیشلریچه، اوتگن آیلرده یوز بیرگن طبیعی واقعه‌لرده عایله‌لردن کوپ قطاری گه زیان ییتیشگن و اولر نینگ یاردم گه نیازلری بار.
غزنی یشاوچیسی رامین حداد نینگ ایتیشیچه: «اهالی‌دن کوپ قطاری یامان و تقدیر‌سیز بیر وضعیت‌ده حیات کیچیرماقده. اهالی قشاق دیر؛ کوپ زیان هم قشاق اهالی گه ییتیشگن که بوگون بو وضعیت گه شاهد‌میز. دولت‌دن بو توغریده کوپراق توجه قره‌تیشی نی ایسته‌یمیز.»
شونده‌ی بیرحالده، غزنی طبیعی حادثه‌لر گه قرشی کوره‌ش ریاستی نینگ ایتیشیچه، اوتگن ایکی آی ایچیده اوشبو ولایتده طبیعی واقعه‌لر طفیلی زیان کورگن ۱۵۰دن آرتیق عایله گه، آزیق-آوقت محصولاتی بیلن بیر قطار نرسه ترقه‌تیلگن.
غزنی طبیعی حادثه‌لر گه قرشی کوره‌ش باشلیغی عزیز‌الله جهادمل نینگ ایتیشیچه، طبیعی واقعه‌لردن زیان کورگن باشقه کیشیلر گه هم یاردم ترقه‌تیلیشی ممکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اوتگن نیچه کون جریانیده یامغیرلردن زیان کورگنلر گه یاردم بیریش اوچون سروی‌میز نینگ دوامی بار که همکارلیگی‌میز بیلن همکار نهاد‌لر اولر گه یاردم بیریشلری ممکن؛ همکار نهاد‌لر شهید‌لر عایله‌لری گه یاردم بیرگنلر،بیزلر هم یاردم ییتکزیش گه سعی‌وحرکت قیلماقده‌میز.»
ولایت‌لردن قطاری‌ده اوتگن ایکی آی‌ده یوز بیرگن طبیعی واقعه‌لر، عایله‌لردن کوپ قطاری گه زیان ییتیشتیرگنی بیلن بیرگه، ایکینچیلیک ییرلر نینگ اورته‌دن کیتیشی و اونلب باش چاروه نینگ تلف بولیشی گه سبب بولگن.
