اقلیم اوزگریشی کوپهیگنی بیلن بیرگه، غزنی ده ایکینچیلیک بوییچه ایش بیلرمانلر، اطراف-محیط اوزگریشلریدن خواطر بیلدیریب و ایتیشلریچه، اقلیم اوزگریشیدن کیین بو ولایتده توپراقلر کوپینچه زیان کوریب و بو اوزگریشلر دهقانلرگه کوپینچه قیینچیلیک یرهتگن.
مذکور بیلرمانلر، دهقانلرنی قوللب-قوتلش اوچون اقلیم اوزگریشلری بیلن قرشی کورهش خصوصیده عملی ییچیم یوللر گه تاکید قیلگنلر.
بو توغریده ایکینچیلیک بوییچه ایش بیلرمان و بیلیم یورت استادی حشمتالله سایسنینگ سلاموطندار گه ایتیشیچه، اقلیم اوزگریشی ایکینچیلیک بولیمیده کوپینچه عاقبتلر گه ایگه دیر. «غزنی ده اقلیم اوزگریشلری بو ولایتده کوپینچه تاثیرلر اینیقسه توپراق خصوصیده تاثیر قویگن. هوا درجهسی کوپهیگنی پیتده، توپراق اوستیدهگی سوولر بخار گه اوزگریب و توپراق قوریدی و توپراقده بولگن اوسیملیک هم قوریب و اورتهدن کیتهدی.»
بیزلرنینگ «ایکس» ترماغی ده هم تعقیب قیلینگ!
ایکینچیلیک بوییچه ایش بیلرمانلردن باشقه بیری صالحمحمد غزنوینینگ ایتیشیچه، اوسیملیکلر و حیوانی کودلردن دهقانلرنینگ حددن تشقری فایدهلنیشی، اقلیم اوزگریشلری برابریده ایکینچیلیک ییلرنی کوپراق زیان کوریشیگه سبب بولگن.
جناب غزنوینینگ کوپهیتیریشیچه: «غزنی ولایتی توپراق قلوی و پیاچ گه ایگه بولگنی اوچون عضوی مادهلر نقطهی نظریدن یخشی ایمس، چونکه بو ولایتدهگی دهقانل حیوانی و اوسیملیک عضوی مادهلرنی اویلرینی ایسیتیش و آزیق-آوقت پیشیریش اوچون فایدهلنهدیلر و ایکینچیلیک ییلر گه تشلمهیدیلر. شونینگدیک اوسیملیک و درختلرنی کیسهدیلر. بو اوزی ییرلرنینگ بوش بولیشی و سوو تاشقینی یوز بیرگنیده سیل کیلیشیگه سبب بولهدی. درخت و اوسیملیک بولگنیده یامغیر سوویدن درختلر و اوسیملیکلر فایدهلنهدی و سوو تاشقینی آلدی آلینهدی. ییرلرده هیچ نرسه بولمهگنیده یامغیر تیز سرعت بیلن ییرگه تیگهدی.»
مذکور بیلرمانلر، اقلیم اوزگریشلری برابریده توپراقنینگ زیان کوریشی آلدی آلیشی اوچون، اوسیملیکلرنی سقلش، یشیل دیوارلرنی ایجاد قیلیش، دهقانلرگه تعلیم بیریش و قوروقچیلیک برابریده کوچلی اوسیملیکلر ایکیلیشینی، عملی ییچیملر صفتیده پیشنهاد قیلهدیلر.
بیزلرنینگ فیسبوک صحیفهمیزگه باش اورینگ!
عین حالده، غزنی ایکینچیلیک ریاستینینگ اوسیملیکلرنی سقلش عمومی مدیری ذکریا هوتکنینگ ایتیشیچه، دهقانلر گه تعلیم بیریلیشی، توپراق اوستی توتیلیشی اوچون اوسیملیکلر تانیشتیریلیشی، حمایتی ترماقلر ایجاد بولینیشی و یشیل کمربندلر ایجاد بولینیشی، اقلیم اوزگریشلریگه قرشی کورهش اوچون غزنی ایکینچیلیک ادارهسینینگ اونملی برنامهلریدن دیر.
جناب هوتکنینگ کوپهیتیریشیچه: «ایکینچیلیک ریاستی زراعتی توپراقلر خراب بولیشی و اورتهدن کیتیشیگه تیگیشلی دهقانلر و ایکینچیلر گه تخنیکی و فنی مصلحتلرنی بیرماقچین. توپراق خراب بولیشی آلدی آلینیشی اوچون ییترلی مصلحتلرینی بیرهدی و شونینگدیک توپراق اوستی توتیلیشی، سووغاریش سیستمی، درختلر ایکیلیشی و توپراقنینگ زیان کوریشی آلدی آلینیشی اوچون تعلیمی برنامهلر توغریسیده ایشلماقده.»
ایتیلیشچه، اوچینچی دنیا مملکتلری اینیقسه افغانستان ده اقلیم اوزگریشلری، اهالی حیاتینینگ تورلی بولیملری گه تورلیخیل اثرگه سبب بولیب و بو بولیمده کوپراق ایکینچیلیک بولیمی زیان کورگن که اونگه قرشی کورهش اوچون اوزون مدتلی برنامه گه نیاز بار.