فلسطین ساغلیقنی سقلش وزیرلیگینینگ اعلام قیلیشیچه، ۲۰۲۳-ییلدن حاضرگچه نوار غزه گه قرشی اسرائیل اوروشی تلفاتی، ۶۹ مینگ کیشیدن آشگن.
الجزیره خبری ترماغینینگ بوگون (۱۸-عقرب، یکشنبه)، گزارش بیریشیچه، اوروش باشلنگنیدن بویان قربانلر سانی توپلم ۶۹ مینگ ۱۶۹ کیشیگه ییتیشگن.
فلسطین ساغیلقنی سقلش وزیرلیگیگه کوره، یالغیز اوتگن آیده آتیش کیسین کیلیشووی عملگه آشیریلیش زمانیدن، اسرائیل هجوملریده باشقه ۲۴۰ فلسطینلیک قربان بولگن. شونینگدیک سونگی کونلرده، تینچ اهالینینگ توغری شکلده اوققه توتیلیشی و تورلی منطقهلر جملهدن خانیونسده اوروشدن قالگن قورال-یراغلرنینگ پارتلهشیدن گزارشلر ترقهتیلگن.
بو بیلن بیرگه، خلقارا ساغلیقنی سقلش تشکیلاتی، ینه بیر مرته کسللرنینگ عاجل بیر شکلده انتقال بیریلیشی مقصد، رفح قتناو یولینینگ قیته آچیلیشینی سورهگن. اوشبو تشکیلاتنینگ بیانیهسی اساسیده، حاضرگچه غزه دن قریب تورت مینگدن آرتیق کسل دوالنیش اوچون مصر و بیر قطار مملکتلرگه انتقال بیریلیب و باشقه ۱۶ مینگ ۵۰۰ کیشی ایسه غزه دن چیقیشنی کوتیب تورگن.
خلقارا همجمعیت آتیش کیسین سقلهنیشی و انسانی یاردملر یوباریلیشی کیرهکلیگیگه تاکید قیلگنی بیرحالده، محلی منبعلرگه کوره، نوار غزهنینگ بیر قطار بولیملریگه اسرائیلنی هوا و ییر هجوملری دوام قیلماقده.
