گوانتانامو قماقخانه‌سیده‌گی افغانستان‌لیک سونگی محبوس محمدرحیم نینگ عایله اعضالری، بوگون (چهارشنبه، ۸-قوس)، کابل شهری ده خبری بیر برنامه ده او نینگ زندان گه قالیشیدن تنقید قیلیب ایتیشلریچه، محمدرحیم ۲۰۰۷-ییل ده پاکستان نینگ لاهور شهری د گناه‌سیز بیر شکلده قولگه آلینیب و کیین ایسه گوانتانامو قماقخانه‌سیگه انتقال بیریلگن. اوشبو محبوس نینگ عایله اعضالری، امریکا تامانیدن او نینگ قوییب یوباریلیشینی سوره‌یدیلر.
۱۷ ییل دن بیری اوغلی محمدرحیم نینگ قوییب یوباریلیشینی کوتگن آنه‌سی صفورا گه کوره، او پاکستان ده تحصیل و ایشلش پیتیده قولگه آلینگن و او نینگ گناهکارلیگی حاضرگچه اثباتلنمه‌گن.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «موتر بیلن بیر جای گه بارماقده ایدیک، موتر اونگینی توسدیلر خاتینی و باله‌لری هم بیرگه‌سیده ایدی، اونی قولگه آلمسلیک‌لری اوچون کوپ التماس قیلیشدی لیکن اعتبار بیرمه‌دیلر، قیسی گناه بیلن او نینگ خاتینی و آلتی فرزندی حاضرگچه سرگردان دیر.»
محمدرحیم نینگ اوغلی ۲۵ یاشر اسماعیل نینگ ایتیشیچه، آته‌سی اسلام امیرلیگی نینگ بیرینچی حاکمیتیده ننگرهار ده بنگی‌وار ماده‌لر گه قرشی کوره‌ش معینیتی ده ایشلر ایدی و حاضر برچه عایله اعضالری او نینگ قوییب یوباریلیشینی کوتیشماقده.
او نینگ کوپه‌یتیریشیچه: «اوللری آته‌م نینگ تقدیری دن هیچ خبریمیز یوق ایدی، تورت ییل دن کیین قیزیل خاچ تامانیدن آته‌م گوانتانامو ده حبس گه آلینگنیدن خبر بولدیک. کیین ایسه مکتوب آرقه‌لی علاقه گه بولدیک، او نینگ گناهکارلیگی حاضرگچه اثبات بولمه‌گن.»
محمدرحیم نینگ اوغیل‌لریدن باشقه بیری ۱۹ یاشر داوود، حاضرگچه آته‌سینی کورگن یوق اسلام امیرلیگی و امریکا قوشمه ایالت‌لری دن آته‌سینی تیزلیک بیلن قوییب یوباریش‌لرینی طلب قیله‌دی.
اونگه کوره: «مین حاضرگچه آته‌منی کورگنیم یوق، باشقه‌لرنی آته‌لری بیلن کورگن حالده اوستیمگه آغیر توشه‌دی، اسلام امیرلیگی و امریکا دن آته‌منی قوییب یوباریش‌لرینی ایسته‌ی من.»
بیزلرنینگ «ایکس» ترماغی ده هم تعقیب قیلینگ!
اسلام امیرلیگی گوانتانامو قماقخانه‌سیده افغانستان‌لیک محمدرحیم زندانی‌لیگینی تصدیقلب ایتیشیچه، او گانتانامو قماقخانه‌سیده‌گی سونگی افغانستان‌لیک محبوس دیر.
اسلام امیرلیگی سوزلاوچیسی ذبیح‌الله مجاهد نینگ سلام‌وطندارگه ایتیشیچه، سرپرست حکومت چیت ایل مملکت‌لرده‌گی افغانستان‌لیک محبوس‌لر نینگ آزاد قیلیش اوچون سعی‌وحرکت قیلماقده.
او نینگ کوپه‌یتیریشیچه: «بوندن آلدین مسئوللر امریکالیک‌لر بیلن بو مسئله حقیده گپیرگن ایدیلر و گناه‌سیز شکلده حبس گه آلینگن زندانی‌لر قوییب یوباریلیشی سوره‌لگن، البته که قانونی پروسه وقت آله‌دی، چیت ایل ده‌گی افغانستان‌لیک محبوس‌لر قوییب یوباریلیشی اوچون سعی‌وحرکت قیلینماقده.»
بوندن آلدین گوانتانامو قماقخانه‌سیده زندانی بولگن افغانستان‌لیک‌لر امریکا قوشمه ایالت‌لری تامانیدن قوییب یوباریلگن بیرحالده، محمدرحیم نینگ عایله اعضالری او نینگ تقدیری بیللی بولیشینی سوره‌گنلر.