۲۰۲۴-ییل خلق‌ارا فوتسال کپی رقابت‌لریده، افغانستان فوتسال ملی تیرمه جماعه‌سی آنگولیا گه غلبه قازاندی.
اوشبو مسابقه ۲۵-سنبله، یک‌شنبه کونی اۉزبېکستان میزبان‌لیگی بیلن بولیب اۉتدی.
افغانستان بو مسابقه ده آنگولیا گه ۶-۴ حسابی بیلن غلبه قازاندی.
خلق‌ارا فوتسال کپی باشقه اویین‌لریده، نیوزیلند ۳-۱ حسابی بیلن لیبیا گه بای بیردی، اسپانیا و قزاقستان فوتسال تیرمه جماعه‌لری ۱-۱ حسابی بیلن مساوی و افغانستان کېله‌سی مسابقه رقیبی ارجنتاین ۷-۱ حسابی بیلن اوکراین گه غلبه قازاندی.
بیزلرنینگ فیسبوک صحیفه‌میزگه باش اورینگ!
اوشبو مسابقه‌لر نینگ اوچینچی گروهیده ارجنتاین افغانستان بیلن بیر گروه ده دیر و ۲۸-سنبله، چهارشنبه کونی کابل وقتی بیلن ساعت ۷:۳۰ ده افغانستان فوتسال ملی تیرمه جماعه‌سی بیلن بیلله‌شووی کوتیله‌دی.
۲۰۲۴-ییل خلق‌ارا فوتسال کپی اویین‌لری دوام اېتر اېکن بوگون ایران-ونزوئلا افغانستان وقتی بیلن عصر پیتی ساعت ۵:۰۰ ده، پرتگال-پاناما ساعت ۵:۰۰ ده، گواتمالا-فرانسه ساعت ۷:۳۰ ده و تاجیکستان-مراکش فوتسال تیرمه جماعه‌لری هم ساعت ۷:۳۰ ده بیلله‌شه‌دیلر.
بیزلرنینگ «ایکس» ترماغی ده هم تعقیب قیلینگ!
۲۰۲۴-ییل خلق‌ارا فوتسال کپی اۉزبېکستان میزبان‌لیگی بیلن ۲۴-سنبله، شنبه کونی رسمی طرزده باشلندی. بو مسابقه‌لرده دنیا بویلب ۲۴ جماعه بیلله‌شماقده دیر.
بو مسابقه‌لرده فوتسال جماعه‌لری، تورت جماعه‌لیک آلتی گروه ده بیر-بیری بیلن رقابت قیله‌دیلر.
اوشبو مسابقه‌لر، ۱۴۰۳-ییل ۱۵-میزان گه قدر دوام تاپیشی اېتیلگن.
