طالبان تامانیدن اوچ کون هییت آتیش کیسین اعلام ایتیلگنیدن کیین، جوزجان یشاوچی‌لری و مدنی فعاللردن اونلرچه‌سی توپله‌نیب و طالبان نینگ بو اقدام دن قدردانلیک قیلیش بیلن دایمی آتیش کیسین تأمین ایتیلیشی نی سوره‌شگن.
اولرگه کوره، جاری اوروش نینگ هیچ قنده‌ی مفهومی یوق و مملکت نینگ ویران‌لیگی گه سبب بوله‌دی.
جوزجان مدنی فعاللریدن بیری سر فراز نینگ ایتیشیچه، افغانستان اهالیسی کوپ ییل‌لردن بویان باشقه‌لرنینگ منفعتی گه قربان بولیب کیلگن و بو اوروش دوام تاپیشی هیچ کیم نینگ فایده‌سیگه ایمس.
جوزجان یشاوچی‌لریدن بیری ذبیح‌الله نینگ ایتیشیچه، طالبان تامانیدن آتیش کیسین اعلام ایتیلیشی مملکت یشاوچی‌لرینی امیدوار قیلگن و اونینگ دوام تاپیشی دایمی تینچلیک تأمین‌لنیشی گه سبب بوله‌دی.
اوشبو ییغین نی یولگه قویگن تینچلیک اوچون ییگیت‌لر تماس گروهی مسئوللری نینگ ایتیش‌لریچه، جاری اوروش اورته گه کیلگن فرصت‌لرگه ضرر ییتیشتیره‌دی و اوروش تامان‌لری آتیش کیسین نی دوام بیریش بیلن ایسته‌کلرینی سوزلشوو یولیدن اورته گه قوییش‌لری کیره‌ک.
- جوزجان ده تینچلیک تأمین ایتیلیشی اوچون نهال ایکیش کمپاینی یولگه قوییلگن
- جوزجان ده اوروش قربانی‌لری نینگ عایله‌لری دایمی آتیش‌کیسین سوره‌شگنلر
- جوزجان؛ طالبان گروهی طلبه قیزلرگه تعلیم کوریش‌لری اوچون رخصت بیرمه‌گن
- جوزجان ده ۷۲ قشاق عیال مسلکی تعلیم مرکزیدن فارغ بولگن
تینچلیک اوچون ییگیت‌لر تماس گروهی نینگ ولایتی مسئولی حمیدالله مسرور نینگ ایتیشیچه، افغانستان اهالیسی بو مملکت یشاوچی‌لریدن هر کون قربانی آله‌دیگن اوروش دن خسته بولگن و اولر بو اوروش یکونله‌نیشی نی کوتیب تورگنلر.
سلام‌وطندار اوزبیکی نی فیسبوککه هم تعقیب قیلینگ!
تینچلیک اوچون تماس گروهی نینگ ولایتی مسئولی، زوروانلیکلر دوام تاپیشی نی ویران‌لیک و تفرقه تشلش گه سبب بوله‌دی دیب و ایتیشیچه، اوروش تامان‌لری موجود فرصت‌لردن فایده‌لنیب و آتیش کیسین تأمین ایتیلیشی توغریسیده بولگن اهالی نینگ ایسته‌گی گه ایجابی جواب بیریش‌لری کیره‌ک.
باشقه بیر تاماندن اوروش قربانی‌لری نینگ عایله‌لریدن قطاری نینگ ایتیش‌لریچه، دایمی تینچلیککه سبب بوله‌دیگن طالبان تامانیدن اعلام ایتیلگن آتیش کیسین دن حمایت قیله‌دیلر.