کابل یشاوچیلریدن قطاری جاری قویاش ییل‌ده یاغگن بیرینچی قار‌دن خورسند‌لیک قیلیب و ایتیشلریچه، مذکور یاغینگرچیلیک قوروق‌چیلیک و هوا افلاسلیگی کمه‌یشی گه سبب بولیشی ممکن.
کابل یشاوچیلریدن فرید‌نینگ ایتیشیچه، یاغگن قارنی کوتیب آلیش اوچون وزیر محمداکبرخان تیپه‌سی‌گه بارگن. اونینگ کوپه‌یتیریشیچه: «قار یاغگنی‌دک هوا تغییر قیله‌‌دی. هر ییر آق بولیب و طبیعت جوده‌یم چیرایلی بوله‌دی. قار یاغیش هوا افلاسلیگی کمه‌یشی گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
شونینگدیک کابل یشاوچیلریدن باشقه بیری عتیق‌نینگ ایتیشیچه، قارلی فضا‌دن ذوق‌لنیش مقصد تشقری‌گه چیققن. «قار یاغگنی‌دن جوده‌یم خورسند‌میز، چونکه هوا افلاسلیگی طفیلی اویی‌میزده نیچه کیشی کسل بولگن ایدی. حاضر قار یاغیشی بیلن هوا تازه‌لنه‌دی. شونینگدیک اهالی خورسند بولیب، صورت آلیش و اویین-کولگی اوچون تشقری‌گه چیققنلر.»
شونینگدیک کابل یشاوچیلریدن باشقه بیر قطاری، قار یاغگنی‌دن خورسند بولگنلری سبب دم آلیش مکان‌لر گه باریب، صورت آلگنلر.
بو بیلن بیرگه، تورلی ولایت‌لرده‌گی دهقانلردن قطاری، قار یاغیشی بیلن قوروق‌چیلیک کمه‌یشی خصوصیده امید‌وارلیک قیلگنلر.
کاپیسا ولایتی‌ده‌گی دهقانلردن سید‌سیف‌الله یوسفی‌نینگ ایتیشیچه، قار یاغیشی بیلن ییر آستی سوولر سطحی آشیشی خصوصیده امید‌وار دیر. اونینگ کوپه‌یتیریشیچه: «قار یاغیش کوز موسومی ایکینی اوچون یخشی دیر و قار یاغیش ییر آستی سوولر سقلنیشی خصوصیده هم یاردم بیره‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک غزنی ولایتی‌ده‌گی دهقانلردن پرویز‌نینگ ایتیشیچه: «قوروق‌چیلیک اوزی قشاق‌لیککه سبب بوله‌دی و قودوقلردن کوپ قطاری‌نینگ سووی کمه‌یه‌دی که قار یاغیشی دهقانلر و ایکین‌زارلر اوچون جوده‌یم فایده‌لی بولیب، یشیل‌لیک و ایکینچیلیک رواجلنیشی‌گه سبب بوله‌دی.»
بولر گه علاوه، سرپرست حکومت ترانسپورت و هوا یوللری وزیرلیگی‌نینگ هواشناس‌لیک ریاستی، کیله‌سی هفته شنبه کونی‌گچه ۲۷ ولایت‌‌ده قار یاغیشینی پیش‌بینلیک قیلگن.