فرانسه رسمی‌لری نینگ اعلام قیلیشلریچه، فرانسه ساحل‌لریده کیمه نینگ چوکیب کیتگنی عاقبتیده افغانستان‌لیک آلتی باش‌پناه ایزلاوچی هلاک بولگن.
فرانسه آژانسی نینگ گزارشی اساسیده، «هلاک بولگنلر‌دن برچه‌سی ایرکک‌لر بولیب و ۳۰ یاشر آره‌سیده بولگنی تخمین ایتیلگن.»
بیزلرنینگ توییترده هم تعقیب قیلینگ!
فرانسه نینگ ساحلی قوروقچیلری گه کوره، قاچقینلر کیمه‌سی، شنبه کونی ۱۲-آگست، ایرتنگ چاغی محلی وقت بیلن ساعت ۲:۰۰ اطرافیده فرانسه نینگ شمالی ساحل‌لریده قیین‌چیلیک بیلن دوچ بولیب و چوکیب کیتگن.
فرانسه نینگ بولون شهری عمومی باش قاره‌لاوچیلیک اورین باسری فیلیب ساباتیه نینگ ایتیشیچه، مذکور کیمه‌ده‌گیلردن برچه‌سی بریتانیا گه اوتماقچی بولگن افغانستان یشاوچیسی و بیر قطاری ایسه سودان یشاوچیسی ایکن.
اونینگ کوپه‌یتیریشیچه: «اولردن کوپ قطاری کیکسه و بیر قطاری ایسه باله‌لر بولگن و اولر نینگ ۴۹ نفری قوتقریلگن.»
گزارشلر اساسیده، اوشبو کیمه‌ده‌گیلردن قطاری یوقالگن و اولر نینگ سانی حاضرگچه ۵-۱۰ کیشی اعلام بولگن.
فرانسه نینگ شمالی‌‌ده جایلشگن سانگات منطقه‌سیده یوقالگنلر نینگ قیدیرماق اوچون اوچ فرانسه‌لیک و ایکی بریتانیالیک کیمه، بیر تیک اوچر و بیر اوچاق نی یوبارگنلر.
فرانسه و بریتانیا آره‌لیغیده‌گی مانش کانالی، دنیا ده کیمه هیده‌ش اوچون اینگ گوجوم‌لی چیزیغلریدن دیر، اوشبو کانال‌ده تولقین جریانی کوچلی بولیب و کیچیک کیمه‌لر نینگ اوتیشی اوچون خوفلی دیر.
بیزلرنینگ فیسبوک صحیفه‌میزگه باش اورینگ!
فرانسه آژانسی نینگ گزارشی اساسیده، رسمی معلومات گه کوره، ۲۰۱۸-ییل‌دن بویان ۱۰۰مینگ‌دن آرتیق مهاجر فرانسه ساحل‌لریدن برتانیا جنوب‌شرقی گه، کیچیک کیمه‌لر بیلن مانش کانالی‌دن اوتگنلر.
بریتانیا ایچکی ایشلر وزیرلیگی نینگ معلوماتی اساسیده، اوتگن پنج‌شنبه قریب ۷۵۵ مهاجر ۱۴ کیچیک کیمه‌ده اوشبو مملکت نینگ جنوبی ساحل‌لری گه اوتماقچی ایکن تانیلگنلر. بو جاری میلادی ییل‌ده بیر کون‌ده اینگ یوقاری رقم بولگن.
