خلقارا ییتکرمهلرنینگ گزارش بیریشیچه، نوار غزهگه اسرائیلنینگ اویوشتیرگن اینگ ینگی هجوملریده، کمیده تورت کیشی قربان بولگن.
فلسطینلیک «وفا» آژانسینینگ بوگون (۵-حمل/ ۲۵-مارچ، چهارشنبه)، گزارش بیریشیچه، اسرائیل نوار غزه مرکزیده «الزویدا» منطقهسینی بمباردمان قیلگن.
امریکا واسطهچیلیگی بیلن «آتیش کیسین» بولگنی بیرحالده، اسرائیل نوار غزهنینگ بیر قطار بولیملریگه هجوملرینی دوام بیریب و شونینگدیک بو منطقه گه انسانسیورلیک یاردملر باریلیشی توغریسیده چیکلاولرنی سقلهب قالگن.
فلسطین ساغلیقنی سقلش وزیرلیگینینگ اعلام قیلیشیچه، ۲۰۲۵-ییل اکتبر آییده آتیش کیسین برقرار بولگنیدن بویان، اسرائیل هجوملری نتیجهسیده فلسطینلیک ۶۸۰ کیشی قربان بولگن.
۲۰۲۳-ییل اکتبر آییده غزه گه قرشی اسرائیل اوروشی باشلنگنیدن حاضرگچه، ۷۲ مینگدن آرتیق فلسطینلیک قربان بولگن.
