اوکراین جمهور باشلیغی ولودیمیر زلنسکینینگ اعلام قیلیشیچه، مملکتینینگ بیر قطار بولیملری روسیه آرقهلی راکته و پهپاد بیلن نشانگه آلینگن.
زلنسکی، اکس صحیفهسیده یازیشیچه، روسیهنینگ ۳۰۰ پهپاد، ۱۸ بالستیک راکته و ییتیته کروز راکته بیلن، اوکرایننینگ بیر قطار بولیملرینی نشانگه آلگنی نتیحهسیده، تورت کیشی اولگن.
ولودیمیر زلنسکیگه کوره، روسیه هجومینینگ اصلی مقصدی اوکراین انرژی قوریلمهلری بولیب، یشش و تینچاهالی آستقورمهلریگه کینگ کولملی زیانلر ییتیشگن.
اونینگ کوپهیتیریشیچه، انرژی آستقورمهلریگه ییتیشگن زیانلر طفیلی اوکراین بویلب ۱۰۰ مینگ یشش اوی برقسیز و ایسیتغیچسیز قالگن.
مذکور هجوم، بوندن آلدین امریکا روسیهنی اوکراین اوروشینینگ «خوفلی شکلده کوچهیشی» گه عیبلهگنی بیرحالده، عملگه آشیریلگن.
روسیه، ۲۰۲۲-ییل ۲۴-فبروری اوکراین گه قرشی هجومینی باشلهگن. مذکور هجوم دنیا ایکینچی اوروشیدن کیین اروپانینگ اینگ بویوک و اینگ اولیملی اوروشلریدن بیریگه اوزگرگن. مذکور توقنشوولر اوکراینده یوزلب مینگ حربی و اونلب مینگ تینچاهالینینگ قربان بولیشیگه سبب بولگن.
