فاریاب امنیتی رسمیلری، اوشبو ولایت المار تومنی سابق اولسوالی و جمهوریت توزومیده فاریاب ولایتی شوراسی کاتبی محمد صالح، ناتانیش کیشیلر تامانیدن آتیب اولدیریلگنیدن خبر بیرهدیلر.
فاریاب امنیه قوماندانلیگی سۉزلاوچیسی عبدالله مرادی گه کوره، بو واقعه ۲۵-جوزا، یکشنبه کونی شام چاغی ساعت ۷:۳۰ ده، پشتونکوت تومنی حدودلری «الملیک» منطقهسیده یوز بیرگن.
بیزلرنینگ «ایکس» ترماغی ده هم تعقیب قیلینگ!
مرادینینگ ایتیشیچه، بو منطقه چول بیر حدود دیر و هجومچیلر اوق آتیشدن کېین محلدن قاچگنلر.
فاریاب امنیه قوماندانلیگی سۉزلاوچیسی، صالح میمنه شهری حوزهوی کسلخانهسیگه آلیب باریلگنیدن سۉنگ وفات اېتگنینی معلوم قیلگن.
بیزلرنینگ فیسبوک صحیفهمیزگه باش اورینگ!
فاریاب امنیه قوماندانلیگی بیانیهسیده، واقعه عاملینی قولگه آلیش اوچون تدقیقاتلر باشلنگنی کېلگن.
امنیتی رسمیلر، بو گَل واقعهلر آلدی آلینیشی و یشاوچیلرنینگ امنیتی تأمین اېتیلیشی اوچون، جدیراق چاره-تدبیر کوریلیشی گه تأکید اېتگنلر.
