سرپرست حکومت تشقی ایشلر وزیرلیگی سوزلاوچیسی عبدالقهار بلخینینگ ایتیشیچه، جرمنی حکومتی بیلن باتفصیل صحبتلردن کیین، اوشبو مملکتدن افغانستانلیک ۸۱ مهاجر چیقریلگن.
بیزلرنینگ فیسبوک صحیفهمیزگه باش اورینگ!
بلخی، بوگون (۲۷-سرطان، جمعه)، اکس صحیفهسیده یازیشیچه، تشقی ایشلر وزیرلیگینینگ قنسولی بولیمی آرقهلی مذکور مهاجرلرنینگ قیتیش حجتی بوتونلی کوریب-چیقیلگنیدن سونگ، بو کیشیلر جرمنیدن چیقریلیب و بوگون کابل گه کیلهدیلر.
تشقی ایشلر وزیرلیگی، قطر رولی و افغانستانلیک مهاجرلرنینگ جرمنیدن قیتریلیشیده یرهتیلگن قولیلیکلر توغریسیده منتدارلیک بیلدیریب و جرمنی دهگی افغانستانلیکلردن برچهسینینگ ستندرد و انیق قنسولی خذمتلرگه قول تاپه آلیشلری اوچون بو توغریده صحبتلرنینگ دوام قیلیشیگه سوز بیرگن.
بیزلرنینگ «ایکس» ترماغی ده هم تعقیب قیلینگ!
بوندن آلدین جرمنی ایچکی ایشلر وزیرلیگی، مذکور مملکتدن افغانستانلیک مهاجرلرنینگ قیتریلیشی اوچون، اسلام امیرلیگی بیلن مستقیم شکلده هماهنگلیککه نیاز بارلیگینی معلوم قیلگن ایدی.
