ناروی قاچقینلر کینگشینینگ اعلام قیلیشیچه، افغانستان ۱۳ ولایتیده یوز بیرگن سوو تاشقینلر نتیجهسیده، اونلب کیشی اولیب و یرهلنگن.
مذکور نهاد، اوتگن کونی اکس صحیفهسیده یازیشیچه، اوشبو سوو تاشقینلر شونینگدیک نیچه یشش اوینینگ بوزیلیشی و جبرلنگن منطقهلردهگی یشاوچیلرگه کوپینچه زیان ییتیشیشیگه سبب بولگن.
ناروی قاچقینلر کینگشینینگ کوپهیتیریشیچه، تیملری هرات دهگی زیان ییتیشگن منطقهلرنی تیکشیریب و بو منطقهلرگه انسانسیورلیک یاردملر یوباریلماقده.
اوشبو نهادنینگ اورغولشیچه، جبرلنگن جمعیتلر اونوتیلمهی و اولرنینگ تیزلیککه قوللب-قوتلنیشی کیرهک.
طبیعی آفتلرنی باشقریش ملی ادارهسینینگ معلوماتی اساسیده، سونگی ۲۴ ساعت ایچیده یوز بیرگن سوو تاشقینلر و یاغینگرچیلیکلر نتیجهسیده، کمیده ۱۷ کیشی اولیب و ۲۶ کیشی یرهلنگن.
سونگی کونلر، افغانستاننینگ ولایتلردن قطاریده کوچلی یاغینگرچیلیکلر بولیب و ولایتلردن قطاریده سوو تاشقینلر هم یوز بیرگن.
سرپرست حکومت ترانسپورت و هوا یوللری وزیرلیگینینگ هواشناسلیک ریاستی، شونینگدیک بوگون ۲۴ ولایتده یاغینگرچیلیک و سوو تاشقینی یوز بیریشی احتمالیدن آگاهلنتیرگن.
