اسلام امیرلیگی فواید عامه وزیرلیگی، بیرینچی مرته خواف-هرات تیمیر یولی آرقهلی عمومی آغیرلیگی ۱۲۰ تُن بولگن ۲۰ واگن دیزل تیلی افغانستان گه یېتیب کیلگنینی معلوم قیلگن.
فواید عامه وزیرلیگی سۉزلاوچیسی محمداشرف حقشناس، ۵-عقرب، دوشنبه کونی ایکس صحیفهسیده بیر بیانیه ترقهتیب، اوشبو تیل یوکی خصوصی کمپنیهلردن بیریگه تیگیشلی ایکینلیگینی یازگن.
حقشناس گه کوره، ۲۰ واگن دیزل تیلی اوتگن کون شام پیتی هراتده روزنک بیکتی گه یېتیب کیلگن.
فواید عامه وزیرلیگی، تیمیر یول لایحهلرینی عملگه آشیریش و اونینگ کینگهیتیریش مملکتده یوک تشیشنی آسانلشتیرهدی همده تدبیرکارلر اوچون کوپراق قولهیلیکلر یرهتیشینی قوشیمچه قیلگن.
وزیرلیک تأکیدلشیچه، ترانسپورت آست قورمهلر خصوصاً تیمیر یول ترماغینینگ رواجلنیشی، افغانستانده سودا و اقتصادی علاقهلرنی مستحکملش بوییچه اوزاق مدتلی دستورلرنینگ بیر قسمی دیر.
