تخار ولایتی دشتقلعه تومنی «نوآباد قیشلاغیده» صادر بولگن یانغین عاقبتیده اوچ دکان و بیر سیار تیل تانکی آلاو آلیب و ایکی میلیون افغانیدن آرتیق مالی ضرر یېتکزگن.
اوشبو سیار تیل تانکی ایگهسی امانالله، نیچه ییل دوامیده ییققن برچه نرسهسی بیر لحظه ایچیده یوق بولگنینی اېتهدی. اونگه کوره، واقعه پیتیده دکان ایچیده بولیب، باش، قول و ایاقلری کویگن.
او، دکان ایچیده بولگن ۶۰۰ مینگ افغانیدن آرتیق سرمایهسی کویب کیتگنینی قوشیمچه قیلهدی.
امانالله، مسئوللردن ایشینی قیته تیکلب و روزغار احتیاجلرینی تأمینلش اوچون، یریم کویگن پولینی آلیب عوضیگه ینگی پول بیریشنی سورهیدی.
عینی گواهلرنینگ ایتیشیچه، یانغیننی اوچیریش اوچون دستلبکی امکانیتلری بیلن قنچه اورینمهسین، برچه نرسه کولگه ایلنگن و حتا آلاو النگهسی اطرافدهگی دکانلر گچه یېتیب بارگن.
تخار محلی مسئوللری، بوتوغریده هنوزگچه فکر-ملاحظه بیلدیرمهگنلر.
