معلومات و مدنیت وزیرلیگی نینگ معینی و اسلامی امارت سوزلاوچیسی ذبیح‌الله مجاهد نینگ ایتیشیچه، سونگی نیچه آی‌ده اقتصادی قیینچیلیک باعث فعالیتی توخته‌گن میدیالر نینگ قیته فعالیت گه باشله‌شی اوچون، چیت ایل یاردم‌لرنی جلب قیلیش مقصد تلاش قیلماقده‌لر.
او اوتگن کونی هلمند ولایتیده خبری ییغینده تأکیدلشیچه، اسلامی امارت فعالیتی توخته‌ب و اقتصادی قیینچیلیگی بولگن ییتکیرمه‌لر گه، فعالیت‌لرینی قیته باشلش اوچون همکارلیک قیله‌دی.
بیزلرنینگ فیسبوک صحیفه‌میزگه باش اورینگ!
مجاهد نینگ اورغولشیچه، دنیا جماعه‌چیلیگی یاپیلگن میدیالر نینگ مالی لحاظ‌دن قوللب-قوتلش گه سوز بیرگن.
کیله‌سی ییل، مملکت آبادانچیلیگی و ایش باشله‌نیش ییلی دیر که خصوصی بیرقطار میدیالر گه ریکلام زمینه‌سینی یره‌تیشی ممکن دیدی اسلامی امارت سوزلاوچیسی ذبیح‌الله مجاهد.
بیزلرنینگ توییترده هم تعقیب قیلینگ!
عین‌حالده اسلامی امارت سوزلاوچیسی، هلمند ده‌گی محلی رسانه‌لر گه، قیینیچلیک و شکایت‌لری گه اعتبار قره‌تیلیشیدن ایشانچ بیلدیرگن.
بو عین‌حالده، سونگی ۶ آی‌ده، بیرقطار میدیالر اقتصادی قیینچیلیک باعث فعالیت‌لرینی توخته‌تیب و اوشبو ییتکیرمه‌لر نینگ اکثر ایشلاوچیلری وظیفه‌لرینی قولدن بیرگن‌لر.