بلخ ده خبرچیلردن قطاری، اوشبو ولایت اورمانلرینی تیکلش، اوسیملیک ساحهلرینی مستحکملش و یشیل حدود یرهتیش مقصدیده، اوروغ سیپیش کمپاینینی اوتکزگنلر.
مذکور کمپاین اوتگن کون بلخ معلوماتومدنیت ریاستی همکارلیگی بیلن اوتکزیلیب، بادام، پسته و ارچه اوروغی بو ولایت شادیان چولیدهگی تاغلر بغریگه سیپیلگن.
بلخ دهگی خبرچیلردن عزیزالله وحدتنینگ ایتیشیچه، اوسیملیک ساحهلرینی سقلش و بو ولایت یشیل حدودلرینی کوچهیتیریش، ساغلام حیاتگه ایگه بولیش زمینهسینی یرهته آلهدی. اونینگ کوپهیتیریشیچه: «کوچتلرنینگ سقلهنیشی کیرهک. یشاوچیلردن اولرنینگ سقلهنیشی توغریسیده جدی شکلده سعیوحرکت قیلیشلرینی ایستمهیمیز.»
شمال زونیدهگی خبرچیلر مصونیت کمیتهسی مسئولی عبدالطیف سهاکنینگ ایتیشیچه: «بو ولایت مرکزی مزارشریف اطرافی و تومنلرده اورمانلر و یشیل ساحهلر کوپهیشی اوچون سعیوحرکت قیلهمیز که کیلهسی نسللرگه بیر مکافات بولسین.»
باشقه بیرتاماندن، بلخ معلوماتومدنیت ریاستی یاشلر ایشلری بوییچه آمری نقیباللهنینگ ایتیشیچه، بو کمپایننینگ اوتکزیلگنی مقصدلریدن باشقه بیر تهسی، هوا اوزگریشلری طفیلی عاقبتلریدن افغانستاننینگ آزراق جبرلنیشی دیر. «افغانستان کوپراق هوا اوزگریشلریدن جبرلنگن. انه شوو سبب خبرچیلر تاغلی اوسیملیکلرنی سیپیش کمپاینینی باشلهدیلر. یشیل ساحهلر کوچهیشیده سعیوحرکت قیلیش، برچه کیشینینگ مسئولیتی دیر.»
اوشبو کمپاینگه شرکت قیلگن خبرچیلر، اسلام امیرلیگی و تشقی نهادلردن هوا اوزگریشلریدن افغانستاننینگ جبرلنیشی کمهیشی اوچون اورمانلر یرهتیلیشی و توپراقلر خراب بولیشی آلدی آلینیشی توغریسیده کوپراق ایشلنیشنی ایستهگنلر.
شونینگدیک بوندن آلدین هم بلخ ده یاشلردن قطاری، مذکور ولایت شولگره تومنیده جایلشگن «تنگی چشمهی شفا» ساحهسیده اوروغ سیپیش کمپاینینی باشلهگن ایدیلر.
افغانستان هوا اوزگریشلری برابریده جبرلنهدیگن مملکتلردن بولیب، یشش محیطنی سقلش ملی ادارهسیگه کوره، هوا اوزگریشلری سلبی تاثیرلر کمهیشی و قرشی کورهش اوچون ۲۲ میلیارد دالر گه نیاز بار.
