«هلو ترست» موسسهسی، افغانستان دنیا مقیاسیده اوروشلردن قالگن پارتلاوچی مادهلر بیلن اېنگ افلاسلنگن مملکتلردن بیری بولگنینی معلوم قیلگن؛ بو اداره گه کوره، افغانستاننینگ آلتی میلیون ۴۰۰ مینگ یشاوچیسی پارتلاوچی مادهلر خوفی آستیده یشهماقده.
هلو ترست موسسهسی، ۲۰-جوزا، سهشنبه کونی ینگی ترقهتگن گزارشیده، بالهلر پارتلش مادهلر طفیلی اولیب و یرهلنگنلرنینگ ۸۰ فایزینی تشکیل بیریشینی بیلدیرگن.
بیزلرنینگ فیسبوک صحیفهمیزگه باش اورینگ!
هلو ترستنینگ معلوماتلری اساسیده، هر آی قریب ۴۰ باله عایله اعضالرینینگ احتیاجلرینی تأمینلش اوچون یاردم بیریش مقصدی بیلن تیمیر ییغیش پیتیده قربان یا که آغیر یرهلنهدیلر. بو نهاد انیق رقم یوقاری بولیشی حقیده آگاهلنتیرگن.
گزارش گه بناً، پارتلاوچی مادهلر بیلن افلاسلنیش افغانستان اهالیسینینگ قریب ۲۰ فایزی جملهدن سۉنگی آیلرده پاکستان و ایراندن جبری شکلده چیقریلگن یوزلب مینگ افغانستانلیک مهاجر حیاتی گه سلبی تأثیر قویگن.
هلو ترست، افغانستانده اقتصادی وضعیت گه اشاره قیلیب، ماینلر و پارتلمهی قالگن مادهلر پارتلشی، بو مملکت اقتصادی گه آغیر تأثیر قویگنینی یازگن. مذکور نهادنینگ معلوماتی اساسیده، پارتلش طفیلی هر بیر اولیم میلادی ۲۰۲۵-ییلده ۳۷ مینگ ۶۲۵ دالر اقتصاد گه زیان یېتکزگن و بو واقعهلر طفیلی ناگرانلر اورته طرزده ۲۹ مینگ ۱۰۱ دالر افغانستان اقتصادی گه زیان یېتکزماقده.
بیزلرنینگ «ایکس» ترماغی ده هم تعقیب قیلینگ!
اوشبو نهادنینگ تأکیدلشیچه، میلادی ۱۹۸۸ییلده افغانستانده فعالیت گه باشلهگنیدن بیری، ۸۰۰ مینگدن آرتیق ماین و ۱۱ میلیون پارتلمهی قالگن مادهلرنی تازهلهگن؛ بیراق خلقارا یاردملر کمهیشی باعث بو موسسهنینگ خادملری سانی ایککی مینگ ۲۰۰ کیشیدن بیر مینگ کیشی گه کمهیگن و کوپراق کمهیش احتمالی بار.
هلوترست تامانیدن میلادی ۲۰۲۴-ییلده اۉتکزیلگن بیر سوراو نتیجهسیگه کوره، تازهلنگن حدودلرده یشاوچی عایلهلر ییللیک درآمدلرینینگ ۳۰ فایز گه آشگنینی بیلدیرگنلر. بو آشیش اقتصادی امکانیتلرنینگ یخشیلنیشی، ایکینچیلیک محصولات آشیشی همده یوللر و ایکین میدانلریگه یخشیراق کیریش امکانیتلری بیلن باغلیق بولگن. شونینگدیک، چاروهدارلر چاروهلری سانینینگ ۷۰ فایز گه کوپهیگنی حقیده خبر بیریشگن.
