اسلام امیرلیگی رسمی‌لری بوگون (۲۸-اسد، یکشنبه) کابلده افغانستان مستقل‌لیگی نینگ ۱۰۵-ییل‌لیگینی نشانله‌دیلر.
اوشبو مراسمده اسلام امیرلیگی اردوسی باشلیغی فصیح‌الدین فطرت گه کوره، افغانستان مستقل طرزده و هېچ کیم نینگ بویروغی گه اعتبار بیرمه‌گن بیرحالده، مستقل‌لیک ۱۰۵-ییل‌لیگینی نشانله‌گن. اونینگ کوپه‌یتیریشیچه، افغانستان حاضرگی کونده بو مملکت نینگ اصیل فرزندلری تامانیدن باشقریلماقده دیر.
بیزلرنینگ «ایکس» ترماغی ده هم تعقیب قیلینگ!
فطرت نینگ ایتیشیچه: «بوندن آلدینگی حکومت‌لر، اشغال آستیده بولیب و باشقه‌لر نینگ بویروغی بیلن بوکون نی نشانلر اېدیلر.»
ملی مدافعه وزیرلیگی سرپرستی محمدیعقوب مجاهد گه کوره، افغانستان نینگ حاضرگی تېزیمی بوتون افغانلر گه تېگیشلی دیر و بو حکومتده هېچ قنده‌ی کم‌سیتیش یوق دیر. اسلام امیرلیگی افغانستان توپراغی گه باستیریب کېریش اوچون هېچ کیم گه رخصت بیرمسلیگینی معلوم قیله‌دی، مدافعه وزیرلیگی سرپرستی محمد یعقوب مجاهد.
ایچکی ایشلر وزیرلیگی سرپرستی سراج‌الدین حقانی، افغانستان یاولری بو مملکت نی فکری و فرهنگی نقطه نظردن بوزیشگه اورینماقده‌لیگینی بیلدیره‌دی. اونینگ کوپه‌یتیریشیچه: «یاولر افغانستان‌لیک یاشلردن بیرقطارینی فرهنگ‌لریدن اوزاقلشتیریب و اولر گه اۉز جمعیتینی بوزیش تربیتینی بیرماقده.»
بیزلرنینگ فیسبوک صحیفه‌میزگه باش اورینگ!
باشقه تاماندن اسلام امیرلیگی تشقی ایشلر وزیرلیگی سرپرستی امیرخان متقی نینگ ایشانچی گه کوره، یاولر افغانستان خلقی اۉرته‌سیده نااتفاق‌لیک تشلش بیلن بو مملکت نینگ بیردملیک و مستقل‌لیگیگه فتور یېتکزیش اوچون سعی-حرکت قیلماقده‌لر.
افغانستان بوگوندن ۱۰۵ ییل آلدین قویاش ۱۲۹۸-ییل (میلادی ۱۹۱۹) امان‌الله پادشاه‌لیگی پیتیده اۉز مستقل‌لیگینی بریتانیا دن آلدی.
