فاریاب امنیه قوماندان‌لیگی مسئوللری نینگ ایتیشلریچه، اوشبو ولایتده بیر یاش عیال قوراللی نامعلوم کیشی‌لر تامانیدن اوققه توتیب اولدیریلگن.
فاریاب امنیه قوماندان‌لیگی نینگ مطبوعاتی مسئولی حمیدالله بت‌شکن گه کوره، اوشبو واقعه اوتگن کیچه (یک‌شنبه، ۲۹ عقرب) مذکور ولایت نینگ گرزیوان تومنی «فریش» قیشلاغیده یوز بیرگن.
بیزلرنینگ فیسبوک صحیفه‌میزگه باش اورینگ!
جناب بت‌شکن نینگ ایتیشیچه، آنه‌سی بیلن کاکاسی نینگ اوی ده تیریکچیلیک قیلیب کیله‌یاتگن یاش بیر عیال، قوراللی نامعلوم کیشی‌لر تامانیدن اولدیریلگن. اونگه کوره، قوراللی کیشی‌لر اوی نینگ ایشیگیده‌گی قلف‌نی سیندیریب و کیین ایسه اوشبو عیال نی اوققه توتیب اولدیرگنلر.
اونینگ کوپه‌یتیریشیچه، مذکور عیال سابق باشقه نامحرم بیر کیشی بیلن ناقانونی رابطه عیبی بیلن قولگه آلینیب و محکمه تامانیدن آقلنگندی، او زمان اوشبو عیال نینگ ایری ایران ده ایدی.
بیزلرنینگ توییترده هم تعقیب قیلینگ!
فاریاب امنیه قوماندان‌لیگی سوزلاوچیسی گه کوره، اولدیریلگن عیال نینگ ایری نیچه کون آلدین ایران دن کیلگندی لیکن خاتینی بیلن هیچ قنده‌ی علاقه قورمه‌گن.
فاریاب خوفسیزلیک مسئوللری، اوشبو واقعه گه دایر حاضرگچه هیچ کیم قولگه آلینمه‌گنینی معلوم قیله‌دیلر.
