فاریاب ده محلی مسئوللر، اوشبو ولایت المار تومنی حدودلری «قروغسای» ساحهسیده یوز بیرگن ترافیکی حادثه نتیجهسیده، بیش کیشی اولیب و یرهلنگنیدن خبر بیرگنلر.
فاریاب امنیه قوماندانلیگی سوزلاوچیسی عبدالله مرادینینگ ایتیشیچه، مذکور حادثه اوتگن کون توشدن کیین (۵-حوت، یکشنبه)، کرولا رسوملی بیر موتر بیلن یوک تاشووچی بیر موترنینگ توقنشگنی نتیجهسیده یوز بیرگن.
بیزلرنینگ «ایکس» ترماغی ده هم تعقیب قیلینگ!
جناب مرادیگه کوره، اوشبو ترافیکی حادثهده کرولا هیداوچیسی شامل ایکی کیشی اولیب و باشقه اوچ کیشی ایسه یرهلنگن.
فاریاب امنیه قوماندانلیگی سوزلاوچیسی، یوز بیرگن مذکور حادثه سببینی کرولا هیداوچیسینینگ احتیاطسیزلیگی عنوان قیلیب و کوپهیتیریشیچه، یرهلنگنلر دوالنیش مقصد مذکور ولایت کسلخانهسیگه انتقال بیریلگن.
بیزلرنینگ فیسبوک صحیفهمیزگه باش اورینگ!
هیداوچیلر نینگ احتیاطسیزلیگی، ترافیکی قاعده-قانون نینگ رعایت قیلمسلیکلری و سرکلر بوزوقلیگی، افغانستان ده ترافیکی حادثهلر یوز بیریشی اساسی سببلریدن بیلینهدی.
