فاریاب ده محلی مسئوللر‌نینگ ایتیشلریچه، مذکور ولایت دولت‌آباد تومنی‌نینگ «شیخ‌ها» ساحه‌سیده یوز بیرگن ترافیکی حادثه نتیجه‌سیده، بیر کیشی اولیب و ۱۰ کیشی ایسه یره‌لنگن.
بیزلرنینگ «ایکس» ترماغی ده هم تعقیب قیلینگ!
فاریاب امنیه قوماندانلیگی سوزلاوچیسی عبدالله مرادی‌نینگ ایتیشیچه، مذکور حادثه اوتگن کون شام چاغی (۸-جدی، شنبه)، یولاوچی تاشووچی ایکی تیز‌رفتار موتر‌نینگ توقنشگنی نتیجه‌سیده یوز بیرگن.
جناب مرادی‌نینگ کوپه‌یتیریشیچه، یوز بیرگن اوشبو ترافیکی حادثه نتیجه‌سیده، ۱۸ یاشر بیر قیز اولیب و باشقه ایکی عیال شامل ۱۰ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
فاریاب امنیه قوماندانلیگی سوزلاوچیسی، یره‌لنگنلر‌نینگ کسل‌خانه گه انتقال بیریلگنی‌نی بیان قیلیب و اوشبو ترافیکی حادثه سببی‌نی، هیداوچیلر‌نینگ احتیاط‌سیزلیگی دیگن.