فاریاب ده بیر دهقان ناتانیش کیشیلر تامانیدن اوققه توتیلیب اولدیریلگن. مذکور واقعه اوتگن کون (دوشنبه، ۷-حمل)، فاریاب ولایتی پشتونکوت تومنی نینگ «خوشبانی» قیشلاغیده یوز بیرگن.
فاریاب امنیه قوماندانلیگی سوزلاوچیسی حمید‌الله بت‌شکن نینگ سلام‌وطندار گه ایتیشیچه، مذکور ولایت نینگ خوشبانی قیشلاغیده ایکی ناتانیش قوراللی کیشی بیر دهقان نی اوققه توتیب اولدیرگنلر.
بیزلرنینگ توییترده هم تعقیب قیلینگ!
جناب بت‌شکن گه کوره، مذکور دهقان ییرلری نی هیده‌ش چاغیده، قوراللی کیشیلر تامانیدن اوققه توتیلیب اولدیریلگن.
فاریاب امنیه قوماندانلیگی سوزلاوچیسی نینگ ایتیشیچه، قوراللی کیشیلر مذکور جنایی واقعه‌دن کیین محل‌دن قاچگن و اسلام امیرلیگی کوچلری اولرنی قولگه آلیش مقصدیده سعی و حرکت قیلماقده.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، یک‌شنبه کونی، ۶-حمل، فاریاب ولایتی قیصار تومنی نینگ «بورغن» قیشلاغیده، بیر ایرکک، نامعلوم کیشیلر تامانیدن پیچاقله‌نیب اولدیریلگن.
