فاریاب ولایتی اندخوی تومنیده اوزبیک تیلی نینگ ملی کونیدن، فاریاب، جوزجان، بلخ و تخار ولایت‌لریدن قتنشگن محلی مسئوللری، دین عالملری، قوم بویوکلری، سوداگرلر، شاعرلر و یازووچیلردن قطاری نینگ حضوری بیلن نشانلنگن.
بیزلرنینگ فیسبوک صحیفه‌میزگه باش اورینگ!
اوزبیک تیلی نینگ ملی کونی مناسبتی بیلن بوگون (سه‌شنبه، ۸-عقرب)، اندخوی تومنیده یولگه قوییلگن مذکور احتفال‌ده نطق سوزله‌گنلر، اوزبیک تیلی رواجلنیشی و فرهنگی میراثلر نینگ سقلنیشی گه اورغولب و صحبت قیلگنلر.
شونینگدیک نطق سوزله‌گن کیشیلر، اوزبیکچه بولیمی‌ده تحصیل قیلگن کدرلر نینگ کوپه‌یشی مقصد، ییگیت‌لردن کیله‌سی کانکور سیناوی‌ده باشقه بولیم‌لر یانیده اوزبیک تیلی و ادبیات دیپارتمنتی نینگ تنلشلرینی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، مذکور احتفال‌ده، چاپ بولگن کتاب‌لر، قول کییملری، ملی ییمک‌لر و باشقه بیر قطار سنتی و فرهنگی نرسه‌لر نمایش گه قوییلیب و شونینگدیک پهلوان‌لیک، اوغلاق و تویه اوروش کبی برنامه‌لر هم یولگه قوییلگن.
۲۹-میزان، بیش ییل آلدین افغانستان جمهوریت توزومیده اوزبیک تیلی نینگ ملی کونی دیب ناملندی و هر ییلی بوکوندن مملکت بویلب طنطنه‌لی طرزده نشانلنه‌دی.