اوقووچی باله‌لر، اوزبیک تیلی ملی کونیدن طنطنه‌لی شکلده نشانلش اوچون شور و شوق بیلن تیارگرلیک آلماقده‌لر.
اوقیتووچیلر هم اوقووچی‌لرگه تعلیم بیریب و اوزبیک تیلی نینگ ملی کونیدن نشانلش اوچون سعی و حرکت قیلماقده‌لر.
اوزبیک تیلی ملی کونیدن نشانلش کمیته مسوول‌لریدن بیری محمد رسول تولقین نینگ ایتیشیچه، اوتگن ۳ یوز ییل جریانیده اوزبیک‌لر کوپینچه قیین‌چیلیک‌لرنی تحمل قیلگن.
جناب تولقین‌گه کوره، اوزبیک‌لر، تیل‌لری باشقه رسمی تیل‌لر یانیده قرار تاپگنی اوچون خرسندلر.
عین‌حالده، بیلیم یورت اوقیتووچی‌لریدن بیری حسام‌الدین تویغون نینگ ایتیشیچه، اوزبیک‌لر اوشبو کته احتفال‌ده عظمت‌لی فرهنگ‌لرینی نمایش‌گه قویه‌دیلر.
جناب تویغون نینگ کوپه‌یتیریشیچه، ۲۹ میزان نی اوزبیک تیلی ملی کونی نامیده قویلیشی اوشبو تیل‌نینگ رواجلنتیریش اوچون ایجابی تاثیر قوییشی ممکن.
نیچه پیت آلدین فاریاب حاکمی نقیب‌الله فایق، بیر خبری ییغین آرقه‌لی، اوشبو ولایتده اوزبیک تیلی ملی کونیدن عظمت‌لی شکلده نشانلنیشی‌نی بیلدیرگن ایدی.
ایتیلیشیچه، مملکت جمهور رئیسی محمداشرف غنی، اوتگن ییل بیر فرمان آرقه‌لی، ۲۹ میزان نی اوزبیک تیلی ملی کونی نامیده قویگن ایدی.