فراه شهری مرکزی‌ده یشاوچیلردن قطاری نینگ ایتیشلریچه، هر ییل یاز موسومی‌ده، ایچیملیک سوو تنقیصلیگی بیلن روپه‌ره‌لر. اولر گه کوره، اوی‌لریده‌گی دولتی نل‌لردن سوو نینگ دواملی شکلده کیلمه‌سلیگی گه علاوه، شونینگدیک اوشبو شهر نینگ قطار منطقه‌لریده قوروق‌چیلیک سبب، ییر آستی سوولر سطحی قویی کیلگن.
فراه شهری تورتینچی ناحیه یشاوچیسی بسم‌الله حق‌دوست نینگ ایتیشیچه: «سوو جوده‌یم آز دیر. شونچه هم آز که حتا بیر آفتابه سوو هم آلالمه‌یمیز. قیز موسومی‌ده سوو کوپ ایدی؛ بیراق حاضر ایسه هیچ سوو یوق. سوو ییتکزیش شرکتی‌دن بیزلردن آلینه‌دیگن پول گه قره‌ب سوو بیرسینلر.»
بیزلرنینگ توییترده هم تعقیب قیلینگ!
فراه یشاوچیلریدن باشقه بیری سید‌عبدالله نینگ ایتیشیچه، سوو ییتکزیش شرکتی مسئوللری اوشبو شهر یشاوچیلری گه سوو ترقه‌تیش مقداری و زمانی نی کوپراق قیلیش‌لری کیره‌ک.
فراه شهری ایکینچی ناحیه یشاوچیسی بولمیش عبدالولی رحمانی نینگ ایتیشیچه، سوو تنقیصلیگی سبب، کونده اوزاق یول‌لر نی قیدیریب دم آلیش مکانی‌دن سوو تیار‌لش گه مجبور دیر. اونینگ کوپه‌یتیریشیچه: «نل سووی بیر کون کیله‌دی و بیر کون کیلمه‌یدی. کیلگن کون هم یالغیز ۱۰-۱۵ بشکه‌دن کوپراق سوو بولمه‌یدی. باریب پارک‌دن سوو کیلتیره‌میز و حتا سوو قودوقی بولگن قوشنی‌لر هم آسان‌لیک بیلن سوو بیرمه‌یدی.»
اولر اسلام امیر‌لیگی‌دن اوشبو منطقه‌لرده ایچیملیک سوو گه قول تاپیش زمینه‌سی یره‌تیلیشی نی ایسته‌یدیلر.
شونینگدیک فراه سوو ییتکزیش آمری حافظ‌الدین محمد اکرام، اوشبو ولایت مرکزی‌ده ایچیملی سوو تنقیصلیگی نی تصدیق‌لب ایتیشیچه، حاضر ایسه فراه مرکزی ۷ ناحیه یشاوچیلری گه چقور اوچ ته قودوق‌دن ایچیملیک سوو ترقه‌تیله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اهالی نینگ کوپینچه قیین‌چیلیگی بار. قیین‌چیلیک‌لری نی بیراز حل قیله‌میز. ینگی ماشین‌لر نی ساتیب آلگن‌میز. بیرینچی ناحیه‌دن ییتینچی ناحیه گه قدر ایچیملیک سوو ترقه‌ته‌میز. بعضی اوی‌لر و کوچه‌لر سوو ترقه‌تیلیشی‌دن قالگن‌لر و ینگی میترلر نینگ کیلیشی بیلن، ترتیب بیلن سوو ترقه‌تیله‌دی.»
ایتیش کیره‌ک که، کیت‌مه-کیت قوروق‌چیلیک و سوو یوقلیگی نتیجه‌سیده، فراه ولایتده‌گی باغ‌لر و ایکینچیلیک ییرلر گه زیان ییتیشگنی بیرحالده، مذکور ولایت یشاوچیلری ایچیملیک سوو تنقیصلیگیدن شکایت قیلگنلر.
