بیلیملر اکادمیهسی ۲۴-جدی، یکشنبه کونی، اقتصادی ترقیات اوچون ایکینچیلیک محصولات نی پروسس قیلیش رولی عنوانیده علمی و تحقیقی بیر سیمنار یولگه قویگن.
بیلیملر اکادمیهسی مسئوللری نینگ ایتیشلریچه، حاضر مملکت ده محصولات ستندرد شکلده پروسس قیلینمهیدی و بو سیمنار ایکینچیلیک محصولات نی پروسس قیلیش قیینچیلیکلری حلی اوچون یولگه قوییلگن.
بیلیملر اکادمیهسی باش تدقیقاتچیسی نینگ اورین باسری محمدطاهر رسولی گه کوره، ایکینچیلیک محصولات نی پروسس قیلیش قیینچیلیکلری حلی اوچون بیلیملر اکادمیهسی ۲۱ علمی و تحقیقی مقاله تیارلب و باغلیق نهادلر گه یوللـهگن.
بیزلرنینگ فیسبوک صحیفهمیزگه باش اورینگ!
او نینگ کوپهیتیریشیچه: «ایکینچیلیک محصولات نی پروسس قیلیب و کیین ایسه بازار گه چیقریش اوچون ستندرد ساووقخانهلریمیز یوق.»
بیلیم اکادمیهسی تدقیقاتچیلریدن ویسالدین جواد، ایکینچیلیک محصولات نی پروسس قیلیب و بازار گه چیقریش اوچون اولا ستندرد ساووقخانه قوریلیشی کیرهک دیدی.
اونگه کوره: «بو سمینار ایکینچیلیک محصولات نی پروسس قیلیش و مملکت اقتصادی ترقیاتی اوچون یولگه قوییلگن.»
عینحالده، صناعت و سوداگرلیک وزیرلیگی اوشبو سمینار گه یوللـهگن پیامیده، مملکت ده ایکینچیلیک محصولات نی پروسس قیلیش اوچون آلتی زون قوریلیشی ممکن دیگن.
بیزلرنینگ «ایکس» ترماغی ده هم تعقیب قیلینگ!
بو ییغیلیش ده صناعت و سوداگرلیک وزیرلیگی نینگ پیامینی اوقیگن بیلیملر اکادمیهسی تدقیقاتچیسی محمدمیا مرهون نینگ ایتیشیچه: «بو وزیرلیک ایکینچیلیک محصولات نی پروسس قیلیش اوچون آلتی زون قورهدی، بو ایش و ایکینچیلیک محصولات سوداسی اوچون زمینه یره تهدی.»
باشقه تاماندن، ایکینچیلیک، سوغاریش و چاروهچیلیک مسئوللری ایکینچیلیک محصولات نی پروسس قیلیش، بازار قیدیریش، ییتیشتیریش، رواجلنتیریش نی مذکور وزیرلیک نینگ بیرینچی ایشلریدن دیب بیان قیلهدی.
اوشبو وزیرلیک نینگ تدقیقات و ایکینچیلیک ترقیات باشلیغی نصرالله طلحه گه کوره: «تحقیق، رواجلنتیریش، میکانیزه، ییتیشتیریش، ییغیش و پروسس ایکینچیلیک وزیرلیگی نینگ بیرینچی ایشلریدن دیر، عملگه آشیریش اوچون لازم تدبیرلر کوریلگن.»
ایکینچیلیک، سوغاریش و چاروهچیلیک وزیرلیگی نینگ معلوماتی اساسیده، حاضر مملکت نینگ ییتتی زونی ده ایکینچیلیک محصولات نی پروسس و پاکتلش ۱۹ دن آرتیق مرکز فعالیت قیلماقده، بو ولایتلر کابل، هرات، ننگرهار، قندهار، قندوز و پکتیا دن عبارت دیر.