قطرنینگ راسلفان صناعت شهریدهگی اینگ مهم طبیعی گاز قیته ایشلش مجموعهلریدن بیریده صادر بولگن پارتلش عاقبتیده، ۵۴ کیشی یرهلنگن، ینه ۱۸ کیشی بیدرک یوقالگن.
قطر ایچکی ایشلر وزیرلیگی، بوگون (۱ سرطان/۲۲ جون، دوشنبه)، خلقارا و بو مملکتنینگ قیدیرو تیملری بیدرک یوقالگنلرنی تاپیش اوچون واقعه جاییگه یوباریلگن و قیدیرو عملیاتی باشلنگنینی بیلدیرگن.
اوشبو وزیرلیک، واقعه طفیلی یرهلنگنلرنینگ احوالی حقیده ایضاح کیریتمهگن و واقعه «تخنیکی قیینچیلیک» سبب یوز بیرگنینی ایتگن.
قطر ایچکی ایشلر وزیرلیگی معلوماتیگه کوره، اوشبو انشاآتده جماعت خوفسیزلیگیگه تهدید سالهدیگن هیچ قندهی خوفلی سیزیب چیقیش حالتی قید ایتیلمهگن.
راسلفان صناعت شهری، دوحه شمالیدن تخمیناً ۸۰ کیلومتر اوزاقلیکده جایلشگن بولیب، دنیادهگی اینگ ییریک طبیعی گاز صادر قیلووچی مجموعهلردن حسابلنهدی و دنیا بازارینینگ قریب بیشدن بیر قسمینی تأمینلهیدی.
مارچ آییده، قطر دولتی مذکور صناعت مجموعهسی ایراننینگ راکته و دران هجوملری عاقبتیده «جدی ضرر» کورگنینی معلوم قیلگن ایدی.
