پاکستان محلی رسمیلری، اوشبو مملکتنینگ بلوچستان ایالتیده بیر بمب پارتلشی عاقبتیده تورت کیشی هلاک بولیب و باشقه چمهسی ۲۰ کیشی یرهلنگنینی معلوم قیلگنلر.
بو پارتلش، پاکستان جنوبغربی بلوچستان ایالتی «کیلا عبدالله» منطقهسیده یوز بیریب و نیچه بنا گه آغیر نقصان یېتکیزگن.
بیزلرنینگ فیسبوک صحیفهمیزگه باش اورینگ!
اکسپرس تریبون کوندهلیگی ترقهتگن گزارشی اساسیده، بو پارتلش ۲۸-ثور، یکشنبه کیچه یوز بیریب و نتیجهده نیچه دکان قولب و اطرافدهگی بنالر آلاو آلگن.
منطقه کمیساری معاونی ریاضخان، اوشبو واقعهده تورت کیشی هلاک بولیب و باشقه ۲۰ کیشی یرهلنگنینی تصدیقلهگن.
بیزلرنینگ «ایکس» ترماغی ده هم تعقیب قیلینگ!
امنیتی رسمیلرنینگ ایتیشلریچه، پارتلشدن کېین منطقهده قیدیرو و تازهلش عملیاتی باشلنگن و امنیتی چاره تدبیرلر آشیریلگن.
بلوچستان ایالتی، سۉنگی ایکّی دههده کېنگ کولمی ناتینچلیکلر گواهی بولگن. گروهلر و بلوچ محلی حزبلری، پاکستان مرکزی دولتینی بو منطقهنینگ طبیعی منبعلریدن عدالتسیز فایدهلنیشگه عیبلهیدیلر.
بلوچستاندهگی کوپینچه هجوملر، شبهنظامی گروهلر گه نسبت بیریلهدی.
