فراه شهریده بوگون (۲۴-جدی، چهارشنبه)، ایچکی تولیدلرنی قوللب-قوتلش مقصد، اوچ کونلیک «ایچکی تولیدلر و محصوللر» کوگزمهسی آچیلگن.
فراه حاکمی محمدحافظ مجاهد، اوشبو کورگزمهنینگ آچیلیش مراسمیده ایتیشیچه، افغانستان خودکفالیگی صفتیده ایچکی تولیدلرنی رواجلنتیریش، مملکت یشاوچیلریدن برچهسینینگ مسئولیتی دیر.
اونینگ کوپهیتیریشیچه، ایکینچیلیک ییرلر و محلی ادارهلر همکارلیگی، فراه ده سرمایه یاتقیزیلیش اوچون مناسب زمینهنی یرهتگن.
«وهاج» شرکتی باشلیغی و بو کورگزمهنی اوتکزگنلردن حمزه وهاجنینگ ایتیشیچه، اوچ کونلیک اوشبو کورگزمه، ایچکی تولیدلرنی قوللب-قوتلش و رواجلنیشی مقصد، سوداگرلر، تولید قیلووچیلر و صناعتچیلر اشتراکی بیلن ۵۰ غرفهده اوتکزیلگن.
وهاج گه کوره، مذکور کورگزمهده قول صناعتی، قالین، آزیق-آوقت محصوللری، ایکینچیلیک محصوللری و باشقه بیر قطار نرسه نمایش گه قوییلگن.
سونگی ییللرده، اسلام امیرلیگی سوداگرلر و سرمایه یاتقیزووچیلرنی تشویق قیلیش و ایچکی تولیدلر ساتیلیشی زمینهسی یرهتیلیشی توغریسیده سعیوحرکت قیلگن. انه شوو سبب، افغانستان بویلب بیر قطار کورگزمهلر اوتکزیلگن.
