امریکا جمهور باشلیغی دونالد ترامپ، جرمنیده اروپا رهبرلرینینگ مذاکرهلریدن سۉنگ، اوکرایندهگی اوروش گه چېک قییلیشی و بو مملکتده صلح برقرار ایتیلیشی اوچون یقینلشگنینی بیلدیردی.
ترامپ، آقسرایده ژورنالیستلر بیلن صحبتده، اوکراین جمهور باشلیغی ولودیمیر زلنسکی همده فرانسه، جرمنی، بریتانیا رهبرلری و ناتو باشلیغی بیلن یخشی صحبتلر اۉتکزگنینی ایتدی.
ترامپ گه کوره: «ولادیمیر پوتین بیلن کوپ مذاکرهلر قیلگن من و اویلهی من کی باشقه وقتلر گه قرهگنده کیلیشو گه یقینلشگن میز و نیمه ایش قیلیش اوچون حرکت قیلهیپمیز.»
شو بیلن بیرگه، اوکراین جمهور باشلیغی ولودیمیر زلنسکینینگ ایتیشیچه، اروپا و امریکا عملدارلری بیلن صحبتلری قیین، لېکن ثمرهلی بولگن.
اروپا رهبرلری و ترامپ مخصوص وکیلی استیف ویتکاف، اوتگن ایکی کون دوامیده جرمنی پایتختی برلین شهریده، اوکراین جمهور باشلیغی بیلن بیرگه، اوشبو مملکت و روسیه اورتهسیده دوام اېتهیاتگن اوروش گه چېک قوییلیشی حقیده صحبت قیلدیلر.
اوکراین و روسیه اورتهسیدهگی اوروش میلادی ۲۰۲۲-ییل، فبروری آییده باشلندی و قریب تورت ییل دوامیده اوشبو اوروشده مینگلب تینچ اهالی اولیب و یرهلنگنی ایتیلهدی.
