کونلر کیتمه-کیت درس کتابلریگه قرهب اولتیریش و اوی چیکهسیده کوتیب توریش، اونینگ قیته اوزیگه ایشانیشیگه سبب بولدی که او، نه فقط اوزینی قیینچیلیکدن چیقریشی، بلکیم باشقه بیر نیچه خاتین-قیز اوچون هم قوشمه ایش قیلیش امکانیتینینگ یرهته آلیشیگه توشیندی.
۲۲ یاشر فرشته سراجی، تقینچاقلرنی دیزاینلش و ساتیشگه باشلهگن. «قیغو بیلن افغانستان ده بو بولیمده عیاللر اونچهلیک فعالیت قیلمهیدی، اینیقسه زرگرلیکلر، آلتین ساتیش و کومیش و قیمتبها تاشلر توغریسیده ایشلمهیدیلر. انه شوو سبب، بو توغریده ایشلهیدیگن بیرینچی عیال صفتیده بولیشنی ایستهب و فعالیتگه باشلهدیم.»
بیزلرنینگ «ایکس» ترماغی ده هم تعقیب قیلینگ!
قیزلر یوزیگه تحصیل تقیقلنمهگنیدن آلدین، فرشته اقتصاد بولیمی طلبهسی بولیب و قیزلر تحصیلی یوزیگه چیکلاولر یرهتیلگنیدن کیین، اقتصادی فعالیتگه باشلهگن. فرشته ۵۰۰ دالر بیلن «اینجل دایمند» اسمی آستیده ایشیگه باشلهگن و بو ایش اونینگ مالی نقطهی نظریدن مستقل قیلیب و بو بیلن بیرگه افغانستاننینگ قیمتبها تاشلری گوزهلیگینی نمایان ایتیش یولیده بیر حرکت دیر. «تقینچاق توغریسیده کوپ قیزیققنیم سبب، بو بولیمده ایشگه باشلهدیم. ایشیمنی ۵۰۰ دالر بیلن باشلهدیم. اوشه پیت اصیل تقینچاقلر توغریسیده فعالیت قیلیب و فایدهلنگنیم دستلبکی مادهلر خالص نقره و قیمتبها تاشلر ایدی.»
فرشته حاضر ایسه انجیل دایمند برندیده، نقره و باشقه قیمتبها تاشلر بیلن یوزوک، دستبند، حلقه و بیر قطار تقینچاقلرنی توزتهدی. فرشته بو بولیمده ایشگه باشلهگنیده قیینچیلیکلر بیلن روپهره بولگنی بیلن، بیراق قیینچیلیکلرینی تقینچاق دیزاینلری آرهسیده یوقاتیب و مهارتلی فکرلری بیلن، چیرایلی تقینچاقلرنی توزهتیب و بو توغریده کوپینچه کیشینینگ توجهسیزنی اوزیگه قرهتهدی. «ایشیمنینگ باش کونی قیینچیلیک بیلن باشلندی، لیکن بیز افغانستانلیک قیزلر، هر قندهی کیچیک و بویوک قیینچیلیکلرگه تسلیم بولمهیمیز و بو بیر توسیق بوله آلمهیدی. بیزلر مبارزه قیلیشدن قول تارتمهیمیز.»
فرشته سراجی، چیکلاولر و قیینچیلیکلر بیلن بیراق ایکی ییل سعیوحرکت قیلگن که حاضر ایسه دیزاینلری افغانستان حتا مملکتدن تشقریده هم ساتیلماقده. «افغانستاننینگ بوتون ولایتلری بویلب خذمت کورستهمیز و توارلریمیز هوا یولی آرقهلی باشقه مملکتلرگه هم یوباریلهدی. اینجل دایمند برندی افغانستان دن تشقریده هم کوپ مشهور بولگن و شونینگدیک قیمتبها تاشلر صادارتی هم حسابلنهدی دیه آلهمیز.»
فرشته، ایشلریده قیمتبها و یریم قیمتبها تاشلر جملهدن بدخشان لاجوردی، پنجشیر زمردی، جگدلک یاقوتی و درخشان کریستال تاشلردن فایدهلنه که چیتایللیکلرنینگ کینگ شکلده قیزیقیشیگه سبب بولگن.
او تجارتینینگ رواجلنیشی حقیده ایتیشیچه: «ساتیش بازاری یخشی دیر. محصوللریمیز نه فقط افغانستان بلکیم باشقه مملکتلرگه هم یوباریلهدی. قیمتبها تاشلر توغریسیدهگی اینگ آز بویورتمهمیز، حاضر ۱۰۰۰ دالردن باشلنهدی و مشتریلر ایستهگی اساسیده بویورتمهلری آز یا-ده کوپهیهدی.»
فرشتهنینگ فعالیتی کوچهیشی بیلن، باشقه بیر قطار قیز گه هم ایش فرصتلری یرهتیلگن. حاضر ایسه اونینگ یانیده بیر قطار استعدادلی قیزلر تقینچاق دیزاینلش و تولید قیلیش بیلن شغللنیب و خودکفالیک سری آدیم قویهدیلر. «حاضر ۸۵دن آرتیق کیشی بیزلر بیلن همکار بولیب و همکارلیک قیلهدیلر. هر بیر ایشلاوچی تورلی بولیمده فعالیت قیلماقده. اولرگه آیده آیلیک هم نظرگه آلینگن و اولر ایشلرینی کوپ قیزیقیب عملگه آشیرهدیلر.»
بیزلرنینگ فیسبوک صحیفهمیزگه باش اورینگ!
فرشته آنلاین یولیدن فایدهلنیش بیلن، صناعت و تدبیرکارلیک یولیده موفقیتلی حرکتلرنی آلگن. او بیر کونی دیزاینلرینینگ افغانستان و چیتایلدن حضوری فضاده نمایشگه قوییش نی ایستهیدی. «آرزولریمدن بیری بو که بیر کونی افغانستان ایچیده فزیکی شکلده فعالیتیمگه دوام بیره آلسک و شونینگدیک دنیا بویلب فزیکی نمایندهلیکلریمیز بولسه و مملکت ایچیده تیار قیلهدیگنیمیز دیزاینلرنی مملکتدن تشقیگه هم تعلیم بیرسک و دنیا بویلب فعالیت قیلسهک.»
فرشته اوشه فکر و ایدهسی بیلن قیته اوییگه کیرهدی که بو ییرده، ثبت بولگن بویورتمهلرینی دقت و احتیاط بیلن پاکتلهیدی. انه شوو ساده لحظهلرده اونینگ ذهنی کیلهجکده اوزی اوچون قولیدهگی یلتیرلب اولتیرگن تقینچاق کبی، گوزهل بیر عالمنی قورماقده.
