ایران دن مملکت گه قیتگنلردن قطاری نینگ ایتیشلریچه، مذکور مملکتدن چیقریلگنلریدن کیین، افغانستان ده کوپینچه قیینچیلیک بیلن روپهره بولیب و حیات کیچیریش خصوصیده امیدلری کمهیگن.
بیر آی آلدین ایران دن مملکت گه قیتریلگن ۲۷ یاشر ابراهیم نینگ ایتیشیچه، سونگی کونلر ایشسیزلیک یانیده اقتصادی و روحی قیینچیلیکلر بیلن هم دوچ کیلگن. حاضر کابل شهریده کرایی اویده حیات کیچیرهدیگن ابراهیم نینگ کوپهیتیریشیچه: «ایران دن کیلگنیمدن بویان روحی و اقتصادی قیینچیلیکلر بیلن روپهرهمن. اقتصادی قیینچیلیک اوچون اولیم نی قبول قیلیب، مینگلرچه قیینچیلیک بیلن قاچاقی شکلده ایران گه باردم که بو رقم حیاتیم گه بیراز تغییر کیلتیرسم دیب، بیراق کون اوتیشی بیلن نیمه قیلهی و قندهی قیلهی دیب حیات خصوصیده ناامید بولهمن.»
بیزلرنینگ فیسبوک صحیفهمیزگه باش اورینگ!
ایران دن مملکت گه قیتریلگن کیشیلردن باشقه بیری کریم علی، بالهلری نینگ نابیللی کیلهجگیدن خواطر بیلدیریب، سونگی کونلر عایله نیازلری نینگ تامین قیله آلمسلیک سبب، بالهلری یوزیگه قره آلمهسلیگی نی ایتگن.
بدخشان مرکزی فیضآباد شهریده کرایی بیر اویده حیات کیچیرهدیگن کریم علی نینگ سلاموطندار گه ایتیشیچه: «افغانستان ده ایش اوچون کوپ تلاش قیلدم؛ لیکن تاپیلمهیدی. نیچه مدت ایران کیتدیم و او ییرده هم قاچقینلر وضعیتی یامان دیر. ایران ده قاچقینلر کلتکلنهدی، بیراق ینه هم قاچقینلر عایله نیازلرینی تامینلش اوچون قیینچیلیکلر گه چیدهیدیلر. ایران دن چیقردیلر و حاضر اوییمیزده حتا قوروق نان هم یوق. قیینچیلیکلریمیز جودهیم کوپ، بالهلریم صرف-خرهجتی نی تامین قیله آلمسلیک سبب اولر یوزیگه قره آلمهیمن.»
شونینگدیک ینگیلیکده ایران دن قیتریلگن یشاوچیلر نینگ ایتیشلریچه، ایران ده قاچقینلر برابریده مهاجرستیزلیک کوچهیگنیدن کیین، مذکور مملکتده افغانستانلیک قاچقینلر نینگ حیات کیچیریش اوچون وضعیت قیین بولگن.
ینگیلیکده نیمروز نینگ پلابریشم چیگرهسیدن افغانستان گه قیتریلگن قاچقینلردن محبالله نینگ ایتیشیچه، نیچه مدتدن بویان ایران ده افغانستانلیک یشاوچیلر برابریده باسیملر کوپهیگن. «اسلام امیرلیگی نینگ قدرت گه ایریشگنیدن کیین عایلهم بیلن ایران کیتدیک؛ بیراق عایلهم او ییرده قالدی و مینی مملکت گه قیتردیلر. حاضر ایران ده وضعیت جودهیم یامان دیر. او ییرگه قیته باریش نینگ فایدهسی یوق مجبور عایلهم مملکت گه قیتسه.»
شونینگدیک هرات نینگ اسلامقلعه چیگرهسیدن افغانستان گه قیتریلگن قاچقینلردن باشقه بیری عبدالحبیب نینگ ایتیشیچه: «خاتین و بالهلریم ایران گه و مین ایش گه ایدیم که پولیس کیلیب، کلتکلهدی و آلیب کیتدیلر بیزلرنی. یانیمیزدهگی پول نی هم آلدیلر. افغانستان ده ۳ یوز افغانی هم درآمدیم بولسه تورموش اورتاغیم و بالهلریم نی کیلتیرهمن. باشقه ییتر، اولکهداشلریمیزدن هم ایران که کیتمسلیکلرینی ایستهیمن. اذیت بولهدیلر و تاپگنلری پول نی هم یانلریدن قیته آلهدیلر.»
بیزلرنینگ «ایکس» ترماغی ده هم تعقیب قیلینگ!
قاچقینلر وزیرلیگی آرقهلی ارائه بولگن معلومات اساسیده، جاری میلادی ییل نینگ باشلنگنیدن حاضرگچه، قریب ایکی میلیون قاچقین قوشنی مملکتلردن افغانستان گه قیتریلگن.
مذکور وزیرلیک نینگ کوپهیتیریشیچه، بو ییل ۷۸۸ مینگ ۸۲۱ ایچکی آواره بیلن مملکت گه قیتریلگنلر گه، آزیق-آوقت محصولاتی بیلن بیر قطار نرسه یاردم بیریلگن و شونینگدیک ۹۶ مینگ ۲۹۳ قاچقین عایله نینگ نیاز بولگن ساحهلر گه انتقال بیریش زمینهسی یرهتیلگن.