ایران تشقی ایشلر وزیری سیدعباس عراقچی، روسیه تشقی ایشلر وزیری سرگئی لاوروف بیلن اوتکزگن قوشمه خبر بیر ییغیلیش‌ده ایتیشیچه، افغانستان‌نینگ اوزگریشلری ایکی مملکت اوچون «مخصوص اهمیت» گه ایگه بولیب، تهران و مسکو افغانستان گه تیگیشلی مسئلهلر حقیده اوز مذاکره‌لرینی دوام بیره‌دیلر.
ایران تشقی ایشلر وزیری‌نینگ کوپه‌یتیریشیچه: «افغانستان اوزگریشلری بیز بیلن روسیه توجه‌سینی اوزیگه قره‌تگن. مذاکره‌لریمیز دایم بو توغریده دوام قیلگن و بو توغریده کوپراق مصلحت قیلیش‌گه نیتی‌میز بار.»
بیزلرنینگ «ایکس» ترماغی ده هم تعقیب قیلینگ!
شونینگدیک بو ییغیلیش‌ده سرگئی لاوروف‌نینگ ایتیشیچه، روسیه «فرمت مسکو» و افغانستان قوشنی مملکت‌لری‌نینگ ییغیلیشلریده افغانستان مسئله‌لری حقیده همکارلیککه دوام بیره‌دی.
اونینگ کوپه‌یتیریشیچه: «افغانستان حقیده تورلی دایره‌لر جمله‌دن، فرمت مسکو ییغیلیشی و افغانستان قوشنی مملکت‌لری ییغیلیش‌لری، شونینگدیک ایران، چین، روسیه و پاکستان تورت تامانلمه گروهی اوچره‌شوولریده همکارلیک و تعاملی‌میز بار.»
سیاسی مسئلهلر بیلرمانلریدن قطاری‌نینگ اورغولشیچه، ایران و روسیه منطقه‌یی موضوع‌لرده اونملی رول اوینه‌ب و اولر‌نینگ قوشمه اورینی افغانستان وضعیتی‌گه تاثیر قیلیشی ممکن.
سیاسی مسئلهلر بیلرمانلریدن احمدخان اندر‌نینگ ایتیشیچه: «روسیه و ایران منطقه و دنیا‌ده کوچلی مملکتلردن بولیب و ییغیلیش‌لر، آواز بیریلیش‌لر و اولر‌نینگ اورینی باشقه قوشنی و دنیا مملکت‌لری‌گه ایجابی تاثیر قوییشی ممکن. اولر سیاست‌لرینی افغانستان‌نینگ حاضرگی شرایطی‌‌نی نظرگه آلیش بیلن تنظیم قیلیش‌لری کیره‌ک، نه فقط خلق‌ارا رقابت‌لر دایره‌سیده.»
بیزلرنینگ فیسبوک صحیفه‌میزگه باش اورینگ!
سیاسی مسئلهلر بیلرمانلریدن باشقه بیری سلیم پیگیر‌نینگ اورغولشیچه، ایران و روسیه اوتگن اوچ ییل‌ده افغانستان سرپرست حکومتی بیلن یقین دیپلماتیک و اقتصادی مناسبت‌گه ایگه بولگن؛ لیکن ینه هم اسلام امیرلیگی‌نی رسمیت‌گه تانیلمه‌گن. «ایکی مملکت چین، پاکستان، هندوستان و باشقه اورته آسیا مملکت‌لری بیلن یخشی مناسبت‌لری بار. اولر ایسته‌گنلری صورت‌ده، اولر بیلن هماهنگ‌لیک‌ده بیزلرنی رسمیت‌گه تانیسینلر.»
ایران و روسیه اسلام امیرلیگی‌نینگ قیته قدرت گه ایریشگنی‌دن کیین، دیپلماتیک و اقتصادی مناسبت‌لرینی افغانستان بیلن دوام بیریب و مذکور مملکت‌لرده‌گی افغانستان‌نینگ ایلچی‌خانه‌لرینی اسلام امیرلیگی نماینده‌لری‌گه تاپشیرگنلر. لیکن مذکور ایکی مملکت اسلام امیرلیگی‌نی حاضرگچه رسمیت‌گه تانیمه‌گن.
