ایران اسلامی جمهوریتی تشقی ایشلر وزیرلیگی، اوشبو مملکت پایتختی تهران ده افغانستان ایلچیلیگی کیله‌سی هفته اسلام امیرلیگی گه تاپشیریلیشیدن خبر بیریب ایتیشیچه، ایلچیخانه نینگ حقوقی وضعیتی خصوصیده اوزگریش کیلمه‌یدی.
ایران تشقی ایشلر وزیرلیگی سوزلاوچیسی ناصر کنعانی خبرچی‌لر نینگ سوالی گه جواب ایتیشیچه، ایران ده افغانستان ایلچیلیگی اسلام امیرلیگی دیپلومات‌لری گه تاپشیریلیشی، اوشبو ایلچیخانه نینگ حقوقی وضعیتی اوزگریش معناسی گه ایمس.
جناب کنعانی گه کوره: «بیر دیپلومات نینگ مامویتی یکونی و باشقه دیپلومات گه ایلچیخانه سرپرستی تاپشیریلیشی اوشبو ایلچیخانه نینگ حقوقی وضعیتی اوزگریش معناسی گه ایمس. افغانستان سرپرست حکومتی بیلن ایران نینگ تعاملی خصوصیده هیچ قنده‌ی اوزگریش کیلمه‌گن.»
بیزلرنینگ فیسبوک صحیفه‌میزگه باش اورینگ!
عین‌حالده، خلق‌ارا مناسبت‌لر ایش بیلرمانی ویس ناصری نینگ ایتیشیچه، تهران تامانیدن افغانستان ایلچیلیگی اسلام امیرلیگی گه تاپشیریلیشی، اسلام امیرلیگی نینگ مشروعیت گه تانیلیشی اوچون هیچ تأثیری یوق.
اونگه کوره: «چین، روسیه و پاکستان ده‌گی ایلچیخانه‌لر اولر گه تاپشیریلگن؛ لیکن چین، روسیه، هندوستان و پاکستان شامل باشقه مملکت‌لر تامانیدن رسمیت گه تانیلمسلیگی نیمه فایده، منطقه و دنیا بویلب حاضرگچه هیچ بیر مملکت رسمیت گه تانیمه‌گن. بوگون هم تهران ده افغانستان ایلچیلیگی اسلام امیرلیگی گه تاپشیریله‌دی، دیفکتو لحاظ دن ارتباط لری بار و رسمی لحاظ دن هیچ تأثیری یوق و تهران اسلام امیرلیگینی رسمیت گه تانیش اوچون هیچ نیتی یوق»
باشقه تاماندن، خلق‌ارا مناسبت‌لر استادی محمود اضطرابی نینگ ایتیشیچه، ایران تامانیدن افغانستان ایلچیلیگی اسلام امیرلیگی گه تاپشیریلیشی، اسلام امیرلیگی نی رسمیت گه تانیش اوچون سعی‌وحرکت قیلیش معناسیده دیر.
اونینگ کوپه‌‌یتیریشیچه: «امریکا دشمن‌لری چین، روسیه و ایران بولسه، بولر دنیا ده سیاست نیچه قطبی بولیشی خصوصیده استه‌سیکین اوز ایشلری گه دوام بیره‌دیلر. چین، روسیه و ایران استه‌سیکین اسلام امیرلیگی نی رسمیت گه تانیش اوچون بیر نتیجه گه ایریشگن دیب اویله‌ی من.»
اسلام امیرلیگی حاکمیتیدن کیین، چین، روسیه، پاکستان، افغانستان ایلچیخانه‌لرینی اسلام امیرلیگی نماینده‌لری گه تاپشیردیلر و حاضر ایران اوشبو مملکت ده افغانستان ایلچیلیگینی اسلام امیرلیگی تامانیدن یوللنگن دیپلومات‌لر گه تاپشیرماقده.
بیزلرنینگ توییترده هم تعقیب قیلینگ!
ایتیش کیره‌ک که، منطقه ده‌گی قطار اولکه‌لر، اسلام امیرلیگی بیلن قنسولی مناسبت یولی بیلن همکارلیک‌لری گه دوام بیرماقده‌لر.
اوزبیکستان ده افغانستان تشقی ایشلر وزیرلیگی نینگ مأموری عزیزاحمد ذکی نینگ ایتیشیچه: «جمهوریت زمانیده‌گی ایلچی اوز ایشی گه دوام بیرماقده، حاضر هم اسلام امیرلیگی بیلن همکارلیک قیله‌دی. ترمذ ده افغانستان قنسول‌گرلیگی نورمال ایشی گه دوام بیرماقده و بو ییرده اسلام امیرلیگی نماینده‌سی موجود دیر.»
اسلام امیرلیگی رسمیت گه تانیلمسلیگی سبب، قطار اولکه‌لر افغانستان ایلچیلیگینی اسلام امیرلیگی نماینده‌لری گه حاضرگچه تاپشیرمه‌گن.