سرپرست حکومت ساغلیقنی سقلش وزیرلیگی، ۱۸-حوت، شنبه کیچه اوز اکس صحیفهسیده یازیشیچه، اوشبو وزیرلیک سرپرستی نورجلال جلالی کابل ده ایران ایلچیسی علیرضا بیکدلی بیلن اوچرهشگن. مذکور اوچرهشوو ساغلیقنی سقلش وزیرلیگی سرپرستینینگ ایش ادارهسیده اوتکزیلگن.
ساغلیقنی سقلش وزیرلیگینینگ ایتیشیچه، اوشبو اوچرهشووده ساغلیق خادملری ظرفیتی آشیریلیشی، صفتلی طبی خذمتلر کورستیلیشی و ایکی تامانلمه همکارلیکلر حقیده بحث و صحبت بولگن.
بیزلرنینگ فیسبوک صحیفهمیزگه باش اورینگ!
مذکور اوچرهشووده کابل ده ایران ایلچیسی، افغانستان ساغلیق بولیمی بیلن همکارلیک قیلیش توغریسیده ایشانچ بیریب و ایتیشیچه، اینگ یقینده کابل و بامیان ده ایکی کسلخانهنینگ قوریلیش ایشینی قیته باشلهیدیلر.
شونینگدیک ساغلیقنی سقلش وزیرلیگی سرپرستی، ساغلیق بولیمیده ایران بیلن ایکی تامانلمه مناسبتلرنی اونملی دیب و ایتیشیچه: «ایشلاوچیلر ظرفیتی آشیریلیشی، صفتلی دارولر و ستندرد طبی جهازلر کورستیلیشی بیلن، مملکت ساغلیق سکتورینی کوچلنتیریب و ایکی تامانلمه یخشی همکارلیکلر و مناسبتلر اساسیده، بو بولیمده ترقیات گه ایریشیب و کسللر گه صفتلی طبی خذمتلرنی کورسته آلیشیمیز ممکن.»
بیزلرنینگ «ایکس» ترماغی ده هم تعقیب قیلینگ!
شونینگدیک کابل ده ایران ایلچیخانهسی اوز اکس صحیفهسیده یازیشیچه، نورجلال جلالی بیلن علیرضا بیکدلینینگ اوچرهشگنیده، ۱۴۰۴-ییلده ساغلیق، درمان و طبی تعلیملر توغریسیده ایکی مملکت همکارلیکلری برنامهسی حقیده صحبت بولگن.
